Pynbna Contianment Zone ka DC ia ka shnong Wahshnong bad  Nongshiliang

Shillong, Jymmang 04: Ka ophis jong ka Deputy Commissioner jong ka East Khasi Hills District kala pynbna ba la ioh jingtip lyngba ka ophis jong ka PHC Jongsha ba u wei u briew ba la test COVID-19 positive u la ia khleh lang bad ki paidbah ka shnong Wahshnong bad Nongshiliang kiba hap hapoh jong ka Mawkynrew Block.

Katkum ka jingtip kaba ka ophis DC kala ioh ka long ba une u briew u la ia kynduh shibun bah ki briew ha kitei ki ar tylli ki shnong wat la ladep ban ong ia u ban shong marwei shuwa u khlem but ia ki kyndon katba dang wat ia kiba don ka jingiajan bad u.

Haba ia dei bad kane na ka liang jong ka District Magistrate jong ka East Khasi Hills Duistrict  katkum ka kyndon ain kaba la pynbna ha ka 3/5/2021 jong ka Epidemic Diseases Act, 1897 bad ka ain  Meghalaya Epidemic Diseases, COVID-19 Regulations, 2020 kala pynbna ia ka shnong Wahshnong bad Nongshiliang kiba hap hapoh jong ka Jongksha kum ka Containment Zone.

Katkum kane ka hukum la khang ia ki briew ban rung sha kitei ki shnong bad baroh ki nongshong shnong kiba hap hapoh jong kane ka Containment Zone la bthah ba kin shong khop hala ki iing ki snem bad ki dukan ki dei ban khang.

La bthah ia u Block Development Officer jong ka  Mawkynrew C&D Block ban peit ia kane ka kam bad lada don mano mabno ba ba pynkhein yn pynshitom katkum ka ka ain Disaster Management Act, 2005 bad hapoh ki kyndon jong ka ain IPC.

What Next?

Recent Articles

Leave a Reply

Submit Comment

*