Shillong, Naitung 24: U Sumbut Myntri Rangbah ka jylla u Bah Prestone Tynsong mynta ka sngi u la pynbna ba ka sorkar kala shim ia ka rai ban khangdam ia ka nongbah Shillong baroh kawei na ka bynta lai sngi lynter, ka ban sdang naduh ka shiteng synia jong ka 26 tarik bad kan kut haduh ka shiteng syniang jong ka 29 tarik mynta u bnai.
U symbut myntri rangbah u la ong ba kane kan long tang ka jingsdang lada ka jinglong jingman na kane ka jingpang na kane ka khlam COVID-19 kan dang kiew shuh ka sorkar kan dang lah ban beteng biang, ia ka rai kin sa shim ha dien ba la kut kane ka lai sngi.
Ka jingshim jong ka sorkar ia kane ka rai ka long ba ka dang ka jingsngewkhia kaba jur halor kane ka jingkiew kane ka khlam jingpang COVID-19 ban iada ia kane ka sorkar kam don lynti shuh da kumwei ka hap ban shim ia kane ka lynti ban khangdam ia ka sor Shillong na ka bynta lai sngi lynter.
Ha kine ki lai sngi ki nongtrei ka tnad ka koit ka khiah kin leit ban wat ia kito kiba don ka jingjan bad kito kiba don ia ka jingshitom COVID-19. La kyntu ia ki paidbah ba kin long kiba phikir na kaba leit sha kano kano ka jaka khlem da don kam, ia da ia lade, ia ka iing ka sem bad ia ka jylla.
