Shillong, Rymphang 12: Mynta ka sngi ka tnad pulit jong ka jylla Meghalaya kala pynbna paidbah ia ka tarik ban toh ia k eksamin ha ki kam pulit bad ia ki Admit kard ki samla kiba la shah jied kin sei na website ka tnad pulit.
Katkum ka jingpynbna kaba la pynmih na ka tnad pulit mynta ka sngi ka long ba ka eksamin kan long ha ki ar sngi, ha ka 26 bad 27 tarik Rymphang 2022 katkum ki kam kiba la buh na ka bynta kitei ki ar sngi ha Eastern Range bad Western Range.
Ha ka 26/2/2022 na ka bynta ki kam AB/BN Constable na ka bynta 150 mark bad ka por thoh elsamin kan long naduh ka por 9.00 baje Mynstep haduh 10.00 baje mynstep.
Ha kane ka juh ka sngi, 26/2/2022 yn pynlong ia ka ekshamin na ka bynta ka kam UB Constable na ka bynta 300 mark bad ka por thoh eksamin kan long naduh ka por 1.00 baje shiteng sngi haduh 4.00 baje noh phai sngi.
Ha ka 27/2/2022 na ka bynta ka kam UBSI 300 mark bad ka por thoh eksamin kan long naduh ka por 9.00 baje mynstep haduh 12.00 baje shiteng sngi.
Ha kane ka juh ka sngi ka 27/2/2022 na ka bynta ka kam MPRO kan long 300 mark bad ka por thoh eksamin kan long naduh ka por 2.00 baje noh phai sngi haduh 4.00 baje noh phai sngi.
Kito ki samla kiba la shah jied ban thoh ia ka eksamin ki lah ban sei ia ka Admit kard jong ki naduh ka 17/2/2022, ki samla kiba dei ban thoh eksam ki dei ban pyni ba kila dep ban ai Tika ar sien lane ia ka RT-PCR test kaba long Negative. La bthah ia ki samla ba kin poi shikynta shuwa ka por bad ki lah ban phone ha u number 6033164273 na ka bynta kano kano ka jingtip kaba bniah.
