Shillong, u Under secretary jong ka sorkar Meghalaya ba dei peit ia ka tnad General Administration (A) u la pynbna mynta ka sngi ba ha ka 27 tarik namar ka dei ka sngi thep vote ban jied ia ki MDC ka sorkar kala pynbna shuti ha baroh ki District kiba hap hapoh jong ki lum khasi bad Jiantia Hills.
La pynbna ia kane ka shuti ka dei namar ba ha katei ka sngi ki paidbah kin sa jied thymmai ia ki nongmih khmat sha ki ar tylli ki iing dorbar jong ar tylli ki District Council, ka JHADC bad jong ka KHADC. La pynbna ia kane ka shutki ban ailad ia ki paidbah ba kin ioh ban leit ban thep vote hala ki jong ki jong ki jaka kaba ki don ka vote jong ki.
Haba ia dei bad ki nongtrei kiba don sha ki jaka trei bapher bapher kiba hap hapoh jong ka Garo Hills ia kum kine ki nongtrei dei ban ai shuti kyrpang ia ki ha kane ka sngi bad kin leit ban thep bad ia ka bai trei jong ki ym dei ban khate ha kane ka sngi ia kaei kaba ki dei ban ioh ia kane ka shuti la pynbna katkum ka N.I Act 1881.
