Shillong, Jylliew 7: U Deputy Commissioner jong ka Ri Bhoi District mynta ka sngi u la pynbna ba ha ka 9 tarik mynta u bnai kaba dei ka sngi thohdieng, la pynbna ba kan long ka sngi shuti hapoh jong ka District kaba dei ka sngi kut jong ka jingrakhe ia ka jubilee Rupa jong ka District.
Na ka liang jong u Deputy Commissioner u la pynbna ba ha katei ka sngi baroh ki skul bad ki college, ki ophis sorkar bad ki iing bishar kiba don hapoh jong ka District kin khanglut baroh. Kane ka jingai shuti ka long ban ailad ia ki paidbah, ki nongtrei sorkar bad ki khynnah skul ba kin ioh ban leit ia shim bynta ha kane ka jingleh kmen ia ka jubilee rupa jong ka District kaba dei artad ka sngi kut.
