Tura , Nailur 05: Ha ka por siteng synia jong ka sngi palei, mynnin ka sngi saw ngut ki dkhot jong ka seng lehnoh ASAK kiba la leit ban pyndem ia lade ha khmat jong u Superintendent jong ki pulit jong ka South Garo Hills District ryngkat ki tiar ialeh bad mynta ka sngi por mynstep la wan ban pyndep sa u wei ha kaba baroh ki la kot sha ka san ngut ki lehnoh kiba la wan ban pyndem.
Na ka liang jong ki pulit ki ong ba kine ki dkhot jong ka ASAK ki la rahbor ia u Bittu Patel u nongniah trok n aka sruok bah NH-61 ha ka 29 tarik jong u bnai ba la dep bad ha dein ka iasiat bad ki pulit ha ka 1 tarik mynta u bnai la lah ban pynlait im ia u trei u nongniah trok.
Ha dien ka jingkhyrna kaba jur na ka liang jong ki pulit kine ki lehnoh ia kaba ki pulit kila niew ia ki kum ka kynhun nongtuh na ka liang jong u Miksong u nongialam u ba la mih noh na ka ANVC(B) u la leit ban ban ia kynduh ia ki nongialam niam bad ong ba ki kwah ban pyndem noh ha khmat jong ki pulit. Ki la phla ha khmat jong ki pulit ba kila leh ia kine ki kam rahbor bad pyniaid ia ki pisa thok halor ka jingbthah jong u Reading K Sangma, C-in-C kane ka kynhun.
Kiba la wan ban pyndem mynne mynmiet ki long u Sengchang N Sangma,u Babujan K Sangma, u Akbar G Momin bad Grikseng Ch Marak. Bad u la ba la wan ban pyndem mynta mynstep pat u dei u Dalbit CH Sangma u dkhot ba rim jong ka ANVC(B).
Ha kane ka jingwan pyndem kane ka kynhun kala aiti lang ruh kawei ka carbine jong ka machine gun, 10 tylli ki kuli ba pat pyndon kam jong ka pistol 9mm, lai tylli ki walkie talkie, ar tylli ki suloi tynsah bad hynriew tylli ki kuli.
