Shillong, Jylliew 12: Ki pulit jong ka Nongstoin kila iathuh ba u bah Kaldinus Syiem 24 snem ka rta u la pyndem noh ha khmat ki pulit ha dien bala shah thwet ha ki pulit halor ka jingsuba ba u la pyniap kawei ka long kmie ha shnong Rambrai kaba hap hapoh jong ka West Khasi Hills District.
U bah B J Laloo Superintendent ki pulit u la iathuh ba u tei u briew u Kaldinus Syiem u la wan ban pyndem ha khmat jong ki pulit ha ka sngi kaba but kata ka 8 tarik mynta u bnai haba ki pulit kila thwet ia u ha ka 7 tarik mynta u bnai.
Ka jingshah pyniap dusmon ka long kmie hapoh ka shnong Rambrai ka long ha ka miet 6 tarik bad ia ka met jong ka la lap ha rudnong ha ka step jong ka 7 tarik da ki briew jong ka shnong bad mar ia iohi la pyntip mar mar sha ki pulit.
Na ka liang jong ki pulit ruh kila beh wut wut sha katei ka jaka bad kila pynlong ia ka jingthwet ia u nongleh kam sniew dei ha ka 8 tarik mynstep ba u tei u riew sniew u la pyndem ha khmat jong ki pulit.
