Shillong, Iaiong 30: Kum shi bynta ban hikai kumno ban ai bor ia ki kynthei ka North East Network kala pynlong ia ka jingai jinghikai ia ki long kmie ha Mawryngkneng kiba dei na ki shnong ba markhap.
Kane ka jinghikai ka long ka jingiadei ha pdeng ki long kmie bad ki lad pathai khubor. Ha kane ka jinghikai la wan ban ia shim bynta da 42 ngut ki long kmie na ki shnong Umphyrnai, Mawryngkneng, Pomlahier, Diengpasoh bad Nonghali, kiba hap hapoh jong ka Mawryngkneng block.
Ha kane ka jinghikai la pynsngewthuh ia ki ba kumno ban ialeh haba ka don ka jingshah thombor na ki shynrang ia ki kynthei, haba kum kane ka jingjia kumno ki kynthei kila lah ban pyndon kam ia ki lad pathai khubor kum ka lad jingiada. Ha kane ka jingialang la ia kren ruh kumno ban wad ia ki lad ki lynti ban pynkhlain ia ka kynhun jong ki kynthei ha ki shnong ki thaw.
