Shillong- Naitung 23: Ka Seng Kur Warjri ka la nang iai pyniar ia ki sengshnat ha kylleng ka Ri Khasi ha ka ba la pynskhem ia ka shnat ka ba laiphew-wei ha Siejiong, Mawkasiang.
Ha ka jingialang ka ba la long ha 17tarik Naitung, 2023, ki rangbahkur na ka sengkmie jong ka Seng Kur Warjri ki la pynskhem ia ka Sengshnat Siejiong bad la jied ia ki nongkitkam ban pyntyllun ia ka kam kur.
Kane ka jingpyniar ia ki seng shnat ka long artat kum ka jingpynkhreh na ka bynta ka Rakhe Lyngkhuh Arphew-San Snem jong ka Seng Kur Warjri, naduh ba la seng ha u snem 1998.
ki rangbah kur ba la ia don lang ki long u Khliehrangbah, Bah George Warjri, Saiñpyniar, Bah Sunshine Warjri, ki Nongkynpham jong ka seng, Bah P Barkos O Warjri bad Bah Rudy Warjri bad kiwei kiwei ki para rangbah na ka Sengkmie.
Ki nongkitkam ba la jied na ka bynta ka sengshnat Siejiong ki long u Bah Donbor Warjri, Khliehrangbah, ki symbud khliehrangbah, Bah John Shemphang Warjri bad Kong Sharina Warjri, Bah Selius Warjri, Saiñpyniar, Bah Bapyndapbiang Warjri bad Kong Alferine Warjri.
Ki symbud saiñpyniar, Kong Barisha Warjri, Batsaipan, saiñpyniar pathai, Bah Filbert Warjri bad u rangbah Nongkynpham, Bah Hording Warjri. Kiwei pat ki riewdkhot nongkitkam jong ka seng shnat ki long u Bah Banteilang Warjri, Lamphrang Warjri, Wanbor Warjri, Ronald Warjri, Sngewhun Warjri, Wansngewbha Warjri, Kong Regina Warjri, Nangroibha Warjri, Bah Donald Kynsai Warjri bad Niris Warjri.
