Shillong Naitung 24: Ka sorkar mynta ka sngi kala bthah ia ka tnad ka koit ka khiah bad ia ki bor jong ka District Administration ba pynbna noh ia ki khatwei tylli ki shnong ha kane ka nongbah Shillong kum ki “Containment Zone”.
Ki shnong kiba la pynbna kum ki “Containment Area” ki long ka Mawbah, Jhalupara, Upper Mawprem, Ningrim Hills, Golflink Khliehshnong, Nongrah,Mawlai Umshing, Mawlai Umjaiur, Laitumkhrah Nazareth, Lachumier bad ka Lympyngad.
U bah Prestone u la ong ba ka sorkar kala ai bor ka tnad ka koit ka khiah ba kan shim ia ka rai lada don kam ban pynbna shuh shuh ia ki containment area lada dang don kam ban leh ia kane la juh ka bor la ai sha ki bor jong ka District Administration ban leh ia kaba don kam.
Haba ia dei bad ki shipai BSF bad kiwei ki kynhun shipai ka sorkar kala ai jaka ha IIM ban pynshong quarantine namar ki jaka kiba ki shipai ki don ki duna, kane ka jingbuh ia ki kan long shipor.
U Symbut Myntri Rangbah u la kyntu ia ki paidbah ba kin wan sha khmat ban pyntip sha ka sorkar da kaba phone sha 108, namar tang ka sorkar marwei kam lah ban leh ei ei namar kam dei ruh kaba suk ban wat ia ki briew, kumta la kyntu ia ki briew ba kin wan sha khmat ban iathuh kim dei ban don ka jinglehrain.
