Jowai, Kyllalyngkot 3: ka Sein Khynroo Khyllood Thlongmoo, Iooksi myn haka 27 tarik une u bnai ba ladep ka la pyllong daka program Pynkhuid Iew neka Cleaning Drive haka Iewpyngkat Iooksi. Iakane ka program la plie da u Samla Nehemaya Tyngkan uwei na ki samla ba pawkhmat ka thain.
Ha Shwa ban sdang iaka jingpynkhuid iaka iew la ioh iaka jingialang ha kaba la ai jingkren dakiba bun ki riew paw khmat ka thain kum na u Rangbah Shnong ka Shnong Iooksi, U Samla Nangaibormi Sutnga Nongialam ka KSU JHDU , U ma G.Suchiang Secretary ka Iawpyngkat bad na u Samla Nehemaya Tyngkan.
Haba ai jingkren haka jingialang naka liang u samla Nehemayah Tyngkan ula pynpaw iaka jingkmen ban iohi iaka jingthrang ka Sein Khynroo Khyllood ka Dong Thlomgmoo ban wanrah iaka Jingkhuid jingsuba hapoh ka Dong.
Ula ai mynsiemm ruh iakane ka seng ban nang iaid shakhmat haki jingthmu babha jongka khnang ba ka dong ka shnat bad ka shnong ka thaw kan kiew shaphrang.
Lah ban pynkynmaw ba u ne u Samla Nehemayah Tyngkan udei uwei naki samla ba la ju mih shakhmat ban ialam iaka kynhun paralok jong u ban pynkhuid iaki Jhep bad ki jaboh ki jabaiñ ha iew Musiang kaba don ha Sor Jowai ha une u snem ba ladep hadien ba ki Nongtrei ka Municipal Jowai ki la sangeh Trei namar ka jjngnymioh tulop.
Naka liang u samla Nehemayah Tyngkan ula synniang sha kane ka seng da ki Tin Noh Jhep , Ki Thliew Pyllang Jhep bad ka JCB ban tih Thliew Pyllang jhep nalor ki kali kit jhep.
Na ka liang u Secretary ka Sein Khynroo Khyllood Thlongmoo ula ai khublei iaki paidbah bad ia u samla nehemaya tyngkan namar ka jingkloi jongki ban mih iatreilang kymjuh ruh iaka jinglong kloi jongg ki ban noh synniang iaka jingdonkam ka seng .
