Shillong, Kyllalyngkot 27: Ka sorkar pdeng lyngba ka tnad kam poh iing kala pynkup burom ia u Dr. Jalaj Sinha ba trei kum u doktor sumar briew hapoh ka tnad shipai BSF ha Shillong la shah pynkup burom da ka ‘Police Medal’ namar ki kam kiba bha ba u la trei ha ka liang jong ka jingsumar ia kiba pang ba shitom.
UDr. Jalal Sinha u la trei kum u doktor ba dei peit ia kiba pang shitom haka por jong ka khlam COVID-19 ha kaba u la pynlait im shibun ki mynsiem briew, ha kine ki 30 snem jong ka jinglong doktor jong u la trei ha Ladakh, ha North East bad ha Kashmir haka por ba ki kam lehnoh ki dang khlain bha.
U Dr. Jalaj u la noh syniangshibun ban ia khun pyrshah ia kiba pang khihshoh hapdeng ki shaipai BSF ha ka jylla Tripura, nalor u Dr. Jalaj u Constable Dharamveer Singh jong ka 172 Bn BSF Meghalaya la shah pynkupburom da ka PMMS namar ki kam shlur jong u.
Ha kane ka jingrahe ia ka republic day kaba 74th ka President jong ka Ri India kala pynkup burom ia ki 59 ngut ki shipai BSF, na kine ki 07 Police Medal na ka bynta ki kam shlur (PMG), 05 ngut kiba la ioh ia ka President’s Police Medal namar ki kam ba bha ba kila trei bad 47 ngut kila ioh iaka Police Medal.
