Shillong, Risaw 07: Ka Madanrting Presbyterian Higher Secondary School (MPHS) mynta ka sngi kala pynlong ia ka jingpynkup burom ia ki ar ngut ki khynnah skul kiba la pass bha ha ka examin matik mynta u snem 2016.
Kine ki ar ngut ki khynnah kiba la pass bha ki long u Barlanstar Kharpran u ba la ioh 88.33%, ha kaba u la ioh dsitingtion, ha ka subject Mathematics , Science, Khasi, Health Education bad Social Science, katba u Abarister Manner u la ioh 76.33% da kaba ioh distingtion Mathematics, Khasi, bad Social Science.
Ha ka jingkren jong ka principal jong kane ka skul ka kong S Kharkongor, kala ai ka jingiaroh ia kine ki khynnah kiba la wanrah burom ia ka skul bad kane kan long ruh ka nuksa ia kiwei ki ba dang pule ha kane ka skul ba kin bud dien ia ka nuksa jng ki.
Ban pyndon burom ia kine ki ar ngut ki khynnah skul kiba lawanrah burom ia kane ka skul la don ruh ka jingshad bad ka jingleh kmen bad ia ki khusnam ban pynkup burom ia kine kiba la pass bha la sam da u tynmenbasan u Bah L Kharmawlong u ba dei ruh president jong ka Managing committee jong ka skul.
