Shillong, Jymmang 09: Ka North-Eastern Hill University (NEHU), Shillong, ka la pynlongïa ka prokram ai pynkupburomha ka 9 tarikJymmang 2025 kum ka jingpyndonburomïai Prof David R Syiemlieh u ba la iohia a Padma Shri 2025.
Ka prokram ka la sakhi ïa ka jingïashim bynta jong ki skolar ka University, ki samla pule barim, ki nonghikai, bad ki nongkyrshan kiba la ïalum lang ban ai burom ïa u riewstad ba pawnam ha ka liang ka jingpule bad ka jingsynshar.
La sdang ïa kane ka prokram da ka jingkrenpdiang buromna ka Prof. Cecile A. Mawlong, ka Dean jong ka School of Social Sciences, kaba la pdiang sngewbha ïa u Prof. David R Syiemlie. Ka Prof. Mawlongka la kdew ba ki jingjop jong u Prof. Syiemlieh ki “krenshibun” shaphang ka jingaiti jong u ha ka jingnangjingstad.
Wat la u la poi sha ka tduhjong ka jingjop, u dang long uba don nongrim, uba sbun, bad uba ïa dei bha bad ki tynrai jong u. Kala iaroh ia ki jingnoh synniang kiba khraw jong u ha ka jingthoh histori jong ka thain shatei lammihngi jong ka ri India, khamtam eh jong ki thain Khasi bad Jaintia.
U Prof. Shobhan N. Lamare, Head, ka tnat History bad u samla pule barim jong u Prof. Syiemlieh. U la bata uba u Prof. Syiemliehu long kum “ka duriaw kaba heh jong ka jingtip” katba ka jinglong rit mynsiem jong u ka la ieh noh ia ka jingkynmaw kaba jylliew ha baroh kiba ithuh ia u.
U Prof. Lamare u la ïasam ïa ki jingkynmaw ba sngewtynnad shaphang ki jingïalang Khristmas ba la pynlong da u Prof.Syiemlieh. ka jinglong jong u ban thied jingthied hi ha Iewduh, ka iewtynrai jong ka Shillong, ha kaba ka jingiadei bad ki nongdie dukan ha ka thain ka dang sahkum ka khanatang.
Haba krenna ka liang ki nonghikai, u bala rim bha jong ka University, u Prof. Saha U la iaroh ia u Prof. Syiemlieh kum u riewstad uba la wanrah ia ka sur, ki jinglong, bad ka jingthmu jong ka thain shatei lammihngi sha ki rynsan jong ka ri bad ka pyrthei. “Um dei tang u nongthohhistori, hynrei u nongsumar ïa ki histori ba jylliew jong ka thaiñ,” ong u Prof. Saha.
Ka Prof. S. M. Sungoh, ka Vice-Chancellor Incharge, ka la pynpaw ïa ki jingnoh synñiang ba bun jait jong u Prof. Syiemlieh. Ka la kynthohba ki jingjop jong u ki long ka jingpynpaw ym tang ia ka jingtbit shimet hynreiia ka bor jong ka jinglong rit mynsiem, ka jingnang jingstad, bad ka jingshakri.
“Ka kamjong ka jingimjong phi,” ka la ong, “kamshym la pynshai tang ïa ki lynti pule hynrei ka la wanrah ruh ïa ka jingsarong kaba khraw ïa ki briew jong ka Meghalaya bad ka thaiñShatei Lam Mihngi.”
Ha ka jingkrenjong u, u Padma Shri Prof. David R. Syiemlieh u la pynpaw ïa ka jingsngewnguh kaba khraw ïa ki tnad skul, koleh bad ki jaka treikam kiba la saiñdur ïa ka jingïaidlynti jong u— ka Dr.Graham’s Home, ha Kalimpong; St. Edmund’s Kolej, Shillong; bad ka NEHU.
Haba pyrkhatia ki sngijong u ha ka tnad treikam paidbah jong ka sorkar pdeng (UPSC), u la kren shaphang ki jinglong ba u bat, khamtam eh ia ka jingaiti jong u ban kynthup lang bad ban ithuhia ki nongtrei ba kyrshan.
Ka rukom kaba la buh kyrpang kaba u la sdang ha ka porba u dang long ha ka UPSC ka long ban khotia ki nongtrei, ki peon, ki steno bad ki secretary ban iadih sha ha ka kamra iakynduh ba la pynkyntang ha ka sngi Khristmas ka jingleh kaba bun ki dang kynmaw sngewbha haduh kine ki sngi.
U Prof. Syiemlieh u ai burom ïa ka jingiohpdiang ka Padma Shri jong u ha ka bynta kaba khraw ha ka NEHU, ha kaba ka kamjong u kum u nonghikai, nongpynïaid, bad nongpynïaid kala roibha. U la ai khublei ia ki skolar jong u, kiba bun na ki ki la nangroi sha ki riewstad bapawnam kynthup ia u Prof. Shobhan Lamare bad u la pynpawia ka jingsngew sarong ia ki jingjop jong ki.
Da ka jingsngewrit, u la kynmaw ia saw ngut ki nonghikai bad ki paralok jong u, u Prof. U J. B. Bhattacharjee, u Prof. Imdad Hussein, u Prof. Milton Sangma, bad u Prof.
U la pynkut da kaba ïathuhba wat ha ka porba u long kum u nongsynshar ba ha khlieh duh ha UPSC, ka jingieit jong u ïa ka histori kamshym la duna satia, kumba la pynshisha da ka jingpynmih jong u ïalai tylli ki kot ha ka porba u don ha ka kam UPSC kum u chairman.
La pynkutïa ka prokram da ka jingaikhublei na u Prof. S. Umdor, uba la pynpaw ïa ka jingsngew sarong lang jong ka NEHU halor ki jingjop jong u Prof.Syiemlieh
