Jowai, Nohprah 30: Ka Dorbar shnong Ionglkaluh lyngba ka Village Education Committee (VEC) kum shi bynta ban ai jinghikai bad pynshlur iaki khynnah skul bad ki samla pule jong ka shnong ha ka 29 tarik mynta u bnai kala pyllong iaka programme pynkup burom iaki khynnah skul bad samla pule jong ka shnong kiba pass bha ha ki kyrdan SSLC haduh Masters degree bad kiwei kiwei, bad kumjuh sha ki nongjop haki jingiakop bapher bapher bala pyllong daka VEC.
Ha kane ka jingialang pynkup burom la wan ban sakhi lang da u MP ba don burom u ma Vincent H Pala kum u kongsan ha ka jing ia don ryngkat ruh u MLA jong ka pynthorumkhrah ma A.L Hek bad i pastor Shylla Principal jong ka KJP H.S.S Jowai , ki riew rangbah jongka shnong bad palat shi hajar ngut ki nongshong Shnong. Ia kane ka jingialang la pyniaid da u Shngainlang R Dkhar u ba dei u dkhot jong ka VEC.
Ha kane ka sngi la ioh ban pynkup burom haduh 20 ngut ki samla pule kiba kynthup ia 2 ngut ha ka masters degree, 3 ngut ha ka dgree, 5 ngut haka HSSLC bad 10 ngut ha ka SSLC. Ha kane kajuh ka sngi ka dorbar shnong lyngba ka VEC kala pynkup burom ruh ia ki 11 ngut ki riew rangbah jong ka shnoog kiba pass nyngkong ha ki kyrdan bapher bapherhapoh ka shnong kynthup ia u Fr. Ferdinad Dkhar u ba pass Matric nyngkong, Dr. Wanroi Dkhar iba la pass nyngkong ia ka MBBS na ka shnong Iongkaluh.
Shuh shuh ha shwa kane ka sngi pynkup burom ka Dorbar shnong lyngba ka VEC hak 27 tarik kala pynlong ruh ia ka jingiakop bapher bapher ia ki khynnah skul kata ka Drawings competition (Environment), Essay competition ( importance of education) bad poetry competition. Katba haka 28 tarik pat la pyllong ia ka career guidance cum training programme ia baroh ki khynnah skul, samla pule bad ki riew paidbah jong ka shnong, ia kaba la wan ban ai jingkren da Dr. Star Pala associate professor jong ka NEIGRIHMS, Miss. Theilinda Kyndait assistant professor Jaintia eastern college, Shri. Peter singh Dkhar Princippal Dkhiah east Sec school bad Shri. Bhamon Phawa Junior Accountant dept of treasury east jaintia hills district.
U MP ba donburom Shri. Vincent H Pala ha ka jingkren jong u kum u kongsan ha kane ka sngi pynkup burom u la iaroh ia ka shnong bad ka VEC ba ki lah ban pyllong ia kum kane ka programme ban pynshlur bad hikai ia ki samla pule bad ia ki nongshong shnong hi baroh bad kadei ruh ka sien ba nyngkong ia u ban ioh sakhi ia kum kine ki programme ha ki thain nyngkyndong. Shuh shuh u la pynshlur i ki samla pule ba kin shimkhia ia kum kine ki jait programme khnang ba kin dup lah ban ieng ha la ki jong ki kjat khamtam ha kane ka juk duhkam duhjam.
Ha kane ka sngi la ioh ruh ia ka jingkren na u ma A.L Hek MLA pynthorumkhrah, pastor Shylla, ma Amos dkhar,rangbah shnong, ma Cyril Dkhar bad kiwei kiwei . Ia kane ka kyrwoh la phah da u Mr. Titus Kyndait publicity secretary VEC Iongkaluh.
