Jowai, Jylliew 02: Ka KSU Mynksan Unit ka dap da ka jinglyngngoh kaba khraw halor ka jing mynthi jong ka sorkar lyngba ka tnad MeECL halor ki jingdawa kiba haduh mynta ruh kim pat trei kam wat tang kawei ruh.
Ka KSU Mynksan Unit ryngkat ka Dorbar shnong Mynksan ka la buh ia lai tylli ki mat jingdawa jong ka ha khmat u EE Jowai Distribution Division MePDCL Jowai ryngkat bad ka jingthoh kata.Ban thung Linemen ha kane ka shnong Ban pyniakhlad laka jong ka Line ne Barrel Mynksan bad Ionglang Ban bujli Nar Post bording bala jot/sniew Te halor ki ne ki lai tylli ki mat ba ngi la dawa, u EE u la kular hakhmat jong ngi ba ka ophis kan pyndep shwa ia ar tylli ki mat jingdawa lait noh tang ka jingthungLinemen kaba u ong ba dei ban bteng hi da kiba trei na ki thain Mowkaiaw bad Sahsniang.
“Ka KSU Mynksan Unit ka kwah ban pynkynmaw biang ia ka Ophis MeCL ka la dawa ba kin leh kloi ia ka ban maramot kloi ia ki Post elektrik ba la jot bad ruh ban pyniakhlad ia ka Line/barrel jong ka Mynksan na ka Ionglang ia kaba u EE u la kular ban leh ha ka 21.08.2013 kat kum ka shithi Ref.No. KSU.Myn/04/13 ba la buh ha Ophis ha Jowai”, la pynpaw u samla Garland Shadap Manner, General Secretary KSU Mynksan Unit.
Une u samla, Garland Shadap Manner u la pynpaw shuh shuh ba, ka Seng
kan iai ap sa katto katne por naka tnad MeECL lada kam leh ei ei halor kine ki jingdawa ka Seng kan pyrkhat da kiwei pat ki kam ban pynbor haduh ban da urlong, namar kane kam dei ka jingmyntoi jong ngi kum ka seng hynrei ka jingmyntoi jong u paidbah baroh ha kane ka shnong kaba long ruh ka hok ka jong ki.(SP News)
