Shillong, Jylliew 30: Ban dang pynbha shuh shuh ia ka leit ka wan jong ki nongwan shangkai suwari sha kane ka jylla Meghalaya u Myntri Rangbah ka jylla u Conrad K Sangma mynta ka sngi u la pynlait 16 tylli ki kali Innova Crysta kum ki Tourist Taxi ban kit ia ki nongwan jngohkai pyrthei.
Kine ki kali remdor kiba la pynlait mynta ka sngi kan ai ka jinghun ia ki nongwan shakai shuwari ban shong ha kine ki kali bad kane kan kyntiew ia ka rukom pynpoi ia ki nongjngoh kai pyrthei ha ka rukom kaba biang na kawei ka jaka sha kawei ka jaka.
U myntri rangbah u la ong ba ka tnad jngohkai pyrthei kala ioh pdiang 600 tylli ki aplikoshon bad na kine kila jied 50 tylli ki aplikoshon hapoh kane ka skhim ai jingiarap ka sorkar ban thied ia kitei ki kali ia kiba la pynlait paidbah 16 tylli mynta ka sngi.
Na ka liang jong ka sorkar kala pynmih bun ki skhim ban kyntiew ia ka ia ki kam jngohkai pyrthei bad kane ka jingiarap ban thied ia ki kali rem dor sha ki riew shimet bad ki kynhun kane kan iarap ban kyntiew ia ki kam jngohkai pyrthei.
Ha kane ka sngi la donlang u myntri ba dei peit ia ka tnad kam jngoh kai pyrthei u bah Paul Lyngdoh ki ophisar ka tnd jngohkai pyrthei bad kito kiba la ioh ia kane ka jingiarap ha kaba la ai ia ki shabi kali mynta ka sngi.
