Shillong, Risaw 31: Ka jingrakhe kaba shitaiew ia ka jingdon jong ki mrad la pynlut mynta ka sngi ha ka jingialang kaba la long ha nongbah Shillong, ha kaba u myntri ka tnad khlaw u Clement Marak u la pynlait paidbah ruh ia ka poster jong ki thapbalih kiba don ha khlaw sorkar ha Nongkhyllem.
Haba kren ha kane ka jingialang na ka liang jong u myntri u la ong ba ka don ka jigniadei kaba jan hapdeng ki jingthaw b aim baroh bad kane ka long kaba kongsan na ka bynta ban pynneh pynsah ia ka mariang. Ka long kaba don kam na ka bynta ban pynneh pynsah ia ki jingthaw b aim.
Ha kane ka sngi na ka liang jong u myntri u la sam ruh ia ki khusnam sha ki khynnah kiba la wan ban ia shim bynta ha ki jingiakop dro kiba la wan na kylleng. Ha kane ka sngi la don lang ruh u C P Marak, PCCF, u Bah Y S Shullai bad kiwei kiwei ki heh sorkar kynthup ia u Secretary ka tnad khlaw u bah A Mawlong.
