Shillong, Naiwieng 27: Ki samla pule ka skul bah pule doktor North Eastern Institute of Ayurveda and Homoeopathy (NEIAH), Shillong kila sdang ia ka jingiakhih da kaba shah thgnan namar ba kim shym ioh ia ka bai bam jong ki sa ban dap shisnem mynta.
Kiba iakhih shah thngan mynta ki don 8 ngut kine kila sdang ha ka 26/11/2024 bad kine kila bteng haduh mynta ka sngi,kine ki samla pule kila ujor ia kane naduh u bnai Nohprah 2023 bad mynta sa ban dap shisnem.
Kine ki samla pule kila pynlong ia ka jingiakhih ha u Nailur mynta u snem hynrei la ioh jingtip ba na ka liang jong ki bor pyniaid kila pan por ar bnai ban pynbeit ia kane ka jingeh hynrei haduh myntakim pat lah ban pynbeit.
Na ka liang jong ki samla pule mynta kimlah shuh ban shu sngap ia kane ka jingleh kumta kila sdang ia ka jingiakhih ban dawa na ki bor ba pyniaid ban pynioh ia ka bai bam jong ki namar kane ka jaka pule ka dei jong ka sorkar pdeng.
