Shillong, Risaw 11: Ka seng samal seng khasi Mawkhar, kum shi bynta ban rakhe ia ka taiew leh kmen, kala pynlong mynta ka sngi ia ka jingiakop spel dak ha ka ktien khasi ha iing seng jong ka ha Mawkhar. Kane ka jingiakop spel dak ka long ha ki ar bynta.
Ka jingiakop spel dak na ka bynta ki khynnah skul kiba hapoh jong ka klas kaba hynriew bad kawei pat ia kiba la pule ha ka klas kaba hynniew bad baphra. Kiba la wan ban ia shim bynta ha kane ka jingiakop spel dak ki long na ki shnat seng khasi kiba don sawdong kane ka sor Shillong bad kiba marjan.
Ha kane ka jingiakop ha ka klas kaba hynriew shapoh kiba jop ki long ka hep, Nasisha Ryntathiang jong ka Seng khasi Higher Secondary School bad kaba la wan baa r ruh ka dei ka hep Jessica L Mawnai, na katei ka juh ka skul bad u ba la wan b alai dei u hep Manshanbha Khongsngi n aka seng khasi Laitkor.
Ha ka jingiakop jong kiba hapoh jong ka klas kaba phra pat kiba la jop ki long ka Naphibaniar Kharkamnai ka long wan ba nyngkong bad ka dei na ka skul seng khasi Laitkor, u ba la wan ba ar u dei na ka seng khasi Upper Shillong, u Arbest L Nonglait na ka seng khasi Upper Shillong bad kaba la wan balai ka dei ka Anthia Jana n aka seng khasi Mawlai.
Ha ka jingkren lyngkot jong u president ka seng khasi seng samla Mawkhar , u bah U la ong ba kajingthmu jong kane ka jingiakop ka long ban hikai kumno ban nang ban spel dak ia ka ktien khasi la jong bad kum ka seng kan ialeh ban pynlong ia kum kane ka jingiakop spel dak man u snem. Kane ka taiew lehkmen kala sdang ha ka 30 tarik Nailur bad kan kut ha ka 30 tarik mynta u bnai Risaw.
