Shillong, Nohprah 26: Ka kynhun Forever Young ryngkat bad ka ophis jong u Chief Electoral Officer jong ka jylla Meghalaya kin pynlong ia ka jingia jngi ha ka por shiteng synia ha ka 31 tarik mynta u bnai ban pdiang burom ia u snem thymmai 2017.
Ka jingpynlong ia kane ka jingia jngi kaba 20th mynta u snem kan long ha ka Saw Aiom Swimming Pool ha Shyiap bad ka jingthmu jong kane ka long ban kyntu ia ki samla kiba dang ioh rung thymmai ha ka electoral roll ban ia shim bynta shirehem ha ka jingiathep vote jong ka Ri.
Ban pynshohshit shuh shuh ia kane ka jingiakop jngi ha ka por shiteng synia mynta u snem yn thep da u thah shispah tylli hapoh jong kane ka pung bad ka jingkhia jong u wei u thah ka long 50 kilo. La kyntu ia baroh ki nongiashim bynta ba kim dei ban dih ia kino kino ki jingdih kiba lah ban pynbuaid ia u ne ka briew namar kane ka pynthud ia kane ka jingiakop.
