Shillong Risaw 21: Ka Khasi Students Union (KSU) mynta ka sngi ha ka jingrakhe ia ka lyngkhuh sngi iap ba 34 jong u Paiem Wickliffe Syiem, ka la pynlong ia ka jingiathir halor ka Standstill Agreement Instrument of Accession, Annexed Agreement bad ka Sixth Schedule.
Ia kane ka jingiathir la pyniaid da u bah Vijay Lyngdoh uba dei u nongialam barim ka KSU ha ki snem 1978 bad la wan ban iashim bynta da u Bah Paul Lyngdoh, u bah Pynshngain N Syiem u MDC, u bah John F Kharshiing, u bah Sadon Blah, Babu Spiton Kharkor.
Ha kane ka jingialang, ka KSU ka la shim ia ka rai ba kan trei tyngeh ban pynkhie im biang sa shisien pat ia ki soskular jong ka Instrument of Accession bad ruh ban dawa na ka sorkar India ba ka dei ban bat pyrkhing ia ki mat iasoi hapoh kane ka soskular.
Na kane ka jingiather mynta ka sngi kan phah ia ka dorkhas sha ka sorkar India ba kadei ban kren shai kdar ia ka jinngiateh soskular halor ki lai tylli ki mat iateh halor kumno ban pynrkhat ne ban pynshong nongrim ban pyntreikam ia ki namar kane ka kam ka la sahtenng mynta la palat 75 snem kynthih.
Ka Rai kaba lai ka long ba nalor ka 6th Schedule, ka sorkar India kadei ban pynkupbor ia ka ri Hynniewtrep da ka Article 371 (A )& (G) kumba long lem ha ka jylla Nagaland bad Mizoram.
Ka rai kaba saw ka long ba ka sorkar India kadei ban ithuh ban kynthup noh mardor ia ka ktien khasi ha ka khyrnit ba phra kum ka dak ka jingsdang ban burom ia ka jingiateh kular haodeng ka sorkar India bad ki Syiem ka ri hynniewtrep lyngba ka Instrument of Accession.
Ia kane ka jingialang la pynlong ha Multi-Use Convention Hall, NEHU, la pyniaid da u Samla Donald V Thabah u General Secretary ka KSU. Hadien ba la kut ka jingiaiatai , la pyllait paidbah ruh ia ka Mortury van bad ka Ambulance jong ka KSU da u bah Paul Lyngdoh bad u bah Samuel B Jyrwa bad ia ka music video jong ka seng KSU da ka kong Maphidalin Kharlunai.
