Shillong, Kyllalyngkot 31: Ka Lawei Sport bad Cultural Organisation, Smit ryngkat bad ka NYK Shillong, kala pynlong ia ka National Road Safety Week ha ryngkat ka jingsumar khmat ei da ka jingiatrei lang bad ka Bansara Eye Care ha Smti.
Ka phang peng jong kane ka jingrakhe ia kane ka “ National Road Safty Week 2017” ka long ka jingshngian ka jong phi ka long ka jingshngian ka iing, long kiba phikir haba don ha surok. Ha kane ka sngi la don lang ruh u rangbah shnong bad ki pulit jong ka jylla Meghalaya.
Ki nongkren ha kane ka sngi kila kren sha phang ki kyndon ain haba niah kali ha surok, kiba la wan ban ia shim bynta ha kane ka sngi ki long ki nongniah kali na katei ka thain bad kum juh ki paidbah nongshong shnong, ha kane ka sngi la don lang u Sordar jong ka shnong Smit u Bah KM Smit bad ki pulit jong ka Madanryting kiba la ai jingkren halor ki ain niah kali.
Ha dien jong kane ka jinghikai ia ki nongiah kali kumno ban leh ha surok ha niah kali ba ki dei ban but ia ki ain, kala don ka jingsumar khmat ei ia ki paidbah katei ka thain da ka Bansara Eye Care bad ia ka programme la pynkut da ka jingkren ai khublei na u Bah Evangelinstone Mylliemngap Sport Secretary jong ka seng.
