Jowai, Naitung 12: Kum shibynta ban pynneh pynsah iaka mariang kumjuh ruh ban pynduna iaka lyer jakhlia haka mariang hynne ka sngi ka Meghalaya Cement Limited kaba la tip kum ka Topcem Cement kaba don ha ka shnong Chehruphi East Jaintia Hills District kala pynlong iaka jingthung dieng hapoh ka phyllaw jong katei ka karkhana shna dewbilat.
Ha kane ka jingthung dieng la wan shim bynta lang ki kynhun pulit CRP hapoh ka jingialam u Asst comandant u Jogesh Kumar bad u Sub-Inspector Suresh Paswan, ki nongtrei ka Topcem Cement hapoh ka jingialam ki heh ka company ba kynthup ia u G.S.Sodhi, S.K.Rai, S.K.Sinha, Rajes Ranjan, S.K Singh bad kiwei kiwei nalor ki khynnah skul nonghikai bad ka kynhun ki longkmie hapoh ka lama jong ka Ekta Club .
Ia katei ka rukom thung dieng ha katei ka jaka la leh katkum ka rukom thungdieng ki nong Japan kaba la tip kum ka “Akira Miyawaki Method” hapoh ka jingialam u Dr.Santanu Kumar Dutta,Senior Environtment Engineer, Central Pollution Board, jong ka tand pynneh mariang jong ka sorkar pdeng.
Ha kane ka sngi kila thung haduh kumba 12,500 tylli ki tynrai dieng bad kumba 53 tylli ki jait dieng.
