Shillong, Iai
ong 24: Ka jingiakynduhlang jong ki ka Synjuk Ki Seng Longkmie jong ka Shillong Archdiocese Zone V, kaba kynthup ia ki saw tylli ki parish ka Laitkor, Jongksha, Mawkynrew bad Mawryngkneng ka la ia kynduh lang ha Divine Mercy Parish Mawryngkneng myn ha ka 22 bad 23 tarik mynta u bnai.Ka phang pdeng ba kila ia kren ha kane ka jingiakynduh kaba ar sngi lynter ka long “ Ka khyndew ka khuslai bad ka tlor ka pyrthei , ka pangnud bad ka tlor baroh shibneng, ki ia pangnud lang baroh shi pyrthei” ia kaba la sot na ka kitab jong u Isaiah Nongiathuhlypa.
Kane ka lympung jong ki long kmie ka Zone V kaba ki la lum lang kaba iakhuh lang bad ka jingsynei jingblei ha ka pyrthei baroh kawei ka long kaba kham kyrpang na baroh ki lympung jong ki longkmie kiba la dep pynlong, ha kite ki sngi la don lang u kpa mynsiem u phadar Festus Shadap ryngkat lang ki Lyngdoh sohblei na ki saw tylli ki parish, ki nongkitkam jong ka synjuk. Ha ka jinglum lang jong ka Zone ia ki longkmie ka la don ka ithuh da ka jingkynmaw burom ia ki riewniam shynrang bad kynthei kiba la don ha ka jingtreikam kylleng ki jaka jong ka pyrthei haduh 37 ngut la sam ia ki sertiphikiate Ia kane la sam ha ka 23 tarik sngi U Blei da ki Lyngdoh bad ki Nongkitkam ka Synjuk Seng Longkmie jong ka Shillong Archdiocese.
Ki longkmie kiba la ia shim bynta ha ka lympung ki la ioh ban pyndonburom ha ki ar bynta ka Divine Mercy Jingisynei Jingblei bad ka jingialang jong ka Zone, ha ka jingialang por mynstep ka la don ka jingpynsngew ia ka kaiphod treikam jong ka Synjuk bad ka jingkren jong u Sohblei Festus Shadap shaphang ka jingpynneh pynsah ia ka jingkhuid jong ka mariang ha kaba ki longkmie ki dei ban pyndonburom ia ka mariang namar ka ai ja aidoh ban im ia u khun bynriew.
Ha ka jingkren jong u Phadar Shadap u la,pynsngew ba ki longkmie kim dei ban pynkhuid ia ka mariang da ka bam ka dih jong ki lyngba u duma bad ki kwai ba ki bam ka pynmih ia ka jingjaboh jong ka mariang da kaba biah pathar ka pynlong bih. Dei ban ai jinghikai ia ki khun kynmaw ban burom ia ka mariang ba ka long ka jingaiei jong U Blei kumba ai khun u Blei ia ki kmie ki kpa. Iakane ka jingsngew la pynshong nongrim katkum katei ka matphang pdeng ba la sot na ka ktien jong U Blei.
Ban pynkut ia katei lympung ha ka por nohphai sngi la pynbuh da ka jingsynei jingblei bad ka Mass Bakhuid ba la pynmynta da u Sohblei John Madur Vicar General Ka Shillong Archdiocese kum u kongsan. U Phadar John Madur ha ka jingkren ka jong u u la ong ba ka kamram jong ki longkmie ka long ban pan na U Blei lyngba ka duwai ka dei ka “Jingsynei” kaba kham kordor namar ha ka jingisynei ba ki longkmie ki pan ka kynthup lut ia ka jingieid ka jingjemnud da ka jingshakri hok ban kamai ia ka hok.
Ha ka jingsynei kaba U Blei u ai ka long ka jingim bad ka jingpynim ia kiba bun; namar khlem ka jingisynei kumno phin ieid phin iarap ia kito kiba donkam, haba ki thngan yn isynei kumno lada ym ai jingbam. Kane ka dei ka kamram jong ki longkmie ban leh ban hikai kat kum ka jingkwah jong ka jingsynei jingblei pynsngew utei u Sohblei.
