Shillong, Rymphang 20: Katba dang mih ki sngi ka jignkiew dor ki marbam mardih kala dang kiew bad ia kane ki paidbah ki sngewthuh ia ka jingkiew dor naduh kiba riewspah haduh kiba buk ba rangli kila shah ktah ha kane ka jingkiew dor.
Haba phai sha ki jaka ai jingsumar jong ka sorkar naduh ki Hospital, CHC, PHC kaba ki paidbah ki leit ban shah sumar namar ka sorkar kala mang ia ka pisa ban ai bam ia kiba thiang pang ha ki jaka ai jingsuamr ka sorkar bad ka jingmang pisa ka long T.95/- tyngka ia kiba dei ha ki hospital ba thiang pang paidbah.
Ha ki jaka ai jingsumar kiba dei na ka bynta kiba shitom Tuberculosis bad duna ha kip or jabieng ka sorkar kala mang T.100/- tyngka na ka bynta jong ki ban ai bam ia ki ha ka shisngi, kane ka jingmang pisa ka sorkar na ka bynta ki nongpang ka dei naduh u snem 2017 ia kaba khlem pat pynkylla haduh mynta.
Katkum ka jingkhein kaba u SP News Agency u la ioh, kala paw shai ba la mang T.25/- tyngka na ka bynta ka sha step, na ka bynta ka ja step la mang T.30/- tyngka, ia ka sha sngi la mang T.10- tyngka bad ia ka jamiet ruh la mang T.30/- tyngka ha ka shi sngi na ka bynta kiba thiah pang ha ki hospital paidbah.
Na ka bynta kito kiba shitom Tuberculosis, kiba shitom ha ka bor jabieng, ka jingmang pisa ka sorkar ha ka bam ka long T.100/- tyngka ha ka shisngi, na ka bynta ka sha step T.30/- tyngka, Bam ja step T.30/- tyngka, na ka bynta ka sha sngi T.10 /- tyngka bad ka bam ja miet T.30/- tyngka.
Ka jingmang ma ka bynta kiba pynbiang ia ka bam ka sorkar na ka bynta wei u ne ka nongpang ha ki jaka ai sumar paidbah, ka long T.150/- tyngka bad ka bainong na ka bynta ki nongpynbiang bam ka long T.55/- tyngka u wei u nongpang.
Na ka bynta kito kiba shet na ka bynta kito kiba shitom Tuberculosis bad kiba shah sumar ba don jingshitom bro jabieng ka long ka jingmang pisa ka long T.175/- tyngka marwei bad ka bainong na ka bynta ki nongpynbiangbam marwei ka long T.75/- tyngka marwei.
