Shillong, Nailur 25: U Myntri ka sorkar jylla ba dei peit ia ki kam karkhana ka jylla u bah Sniawbhalang Dhar ha kane ka dorbar synrai kaba la dep u la pan pisa na ka iing dobar T. 25, 67, 266 lak tyngka.
Ka jingpan u myntri ba deipeit ia ki kam karkhana ia katei ka pisa na ka iing dorbar ka long ban siew ia ki saw ngut ki briew kiba la thung ha poh jong ka “Meghalaya Infratech Consultancy and Innovation Corporation”.
Kane ka pisa kaba la pan ka long ban siew u Chairman, u Co-Chairman, Vice Chairman bad Deputy Chairman jong ka MICIC bad kane ka pisa ka long ban siew ia ka tulop jong kitei ki briew haduh ka 31st Lber 2023.
Na katei ka T.25,67,266/- tyngka, na ka bynta ka bai leit bai wan jong kitei ki saw ngut hapoh ka jylla ka jinglut ka long T.10,16,068/- tyngka, ka jinglut na ka bynta ka ophis ka long T.55,000/- tyngka , bai wai ophs bad ki khajna T.3,45,645/- tyngka, kiwei ki jinglut T.69,129 /- tyngka. Kiwei ki jingsiew T.10,81,424/- tyngka.
