Shillong, Jylliew 12: Ka sorkar kala pynmih ia ka jingmaham ia ki paidbah ba kumno ban kiar ha kane ka por slap bad kane ka long ka jingpyntip paitbah ba namar ka jingwan jong ka lyuir kine harum ki long ki lad jingiada
Ki nongshong shnong kidei ban long kiba phikir ban iada ialade namar ka jingshlei um ka lah ban jia hadien jong u lapbah khamtam ha ki jaka kiba harud jong ki wah bad ki wahduid.
Kiar na kaba jam ia ki wahduid , ki nala bad ki wah haba don ka jingshlei um. Wat tur ne niah ia ki kali haba don ka jingshlei um bad kiar na ki post electrik ban lait· naka jingshah bat ha ki bor electrik.
La kyntu ia ki khynnah skul ban kiar na kaba jam ia ki wahduid bad ki wahbah ha ka por ba jur slap. La kyntu ruh ia ki nongwan jngoh kai pyrthei ban kiar na ka ba tur sha ki wahduid, ki wah bad ki kshaid.
Lada don kano kano ka jingjia, ki paidbah ki lah ban pyntip da kaba phone sha ka District Emergency Operations Centre ha u nombar 0364- 2225289/2502094 bad ruh ka State Emergency Operations Centre ha u nombar 0364-2502098.
