Shillong, Jymmang 21: Ka sengHynñiewtrep Youths’ Council – Central Executive Council (HYC-CEC), ha ka 21 tarik u Bnai Jymmang, 2025 kala pynlong ia ka jingleit khynra ia ki Nongbylla bar Jylla kiba trei ha ki jingtei jong ka SorkarJylla kiba don ha New Shillong.
Ha kane ka jingleit jong ka Seng, lah lap ia ki ar tylli ki jaka trei kiba dei ki jingtei ka Sorkar Jylla kiba ka kam ka dang iaid shaitshait. Ha ka jingkylli pyrthuh jong ki dkhot ka Seng lah lap ba ki don kumba 350 haduh 400 tam ki Nongtrei kiba dei ki bar Jylla ha kine ki jakatrei bad na kine kumba 200 tam eiei ki bym don ia ki kot ki sla kiba biang.
Ia kine baroh lah phah ba kin mihnoh na kitei ki jaka treikam bad bthah ruh ia ki ba kimdei ban wan trei lada kim don ia ki kot ki sla kiba biang kum ka Registration card na ka Labour Department.
Don ruh ki Nongtrei bar jylla kiba wan ia lam ia la ki kurim ki jong jong ki ban sah lang ha kitei ki jaka trei bad ia kitei na ka liang ka Seng la phah ba kin mihnoh na katei ka jaka.
Na ka liang jong ka Seng, kim lahkhlem da pynpaw ia ka jingsngew lyngngoh ba kumno kine ki 200 ngut tam ki Nongbylla ki ioh ban trei ban ktah hapoh kitei ki jingtei kkhlem da pynbiang ia ki kot ki sla kiba biang.
Don napdeng jong ki kibapyni tang ia ka ‘Acknowledgement Slip” ba ki lah aplai ia ka registration card na ka Tnat Labour bad khlem da iohia ka Registration card, ki lah da sdang ban treibylla.
Kane ka long pyrshahia ka ain ba ka SorkarJylla ka lah shna ia ka balah tip kumka Meghalaya Identification, Registration (Safety & Security) of Migrant Workers Act, 2020 bad ka Meghalaya Identification, Registration (Safety & Security) of Migrant Workers Rules, 2020.
Katkum ka kyndon 4 jong ka Meghalaya Identification, Registration (Safety & Security) of Migrant Workers Act, 2020 baroh ki nongbylla kiba wan na bar ka jylla (Migrant Workers) kidei ban register ialade bad ban da iohia ka Registration Card haba ki wan treihapoh ka jylla Meghalaya bad lada ki pynkhein ia kane kin shah dainkuna.
Kino kino kibriewkiba ai kamia ki nongbylla bar jylla ki dei ban pynthiknabakita ki nongbylla bar jylla kin da register ban iohia ka registration card bad lada ki pynkheiniakane ki lah ban shah dainkuna.
Na ka liang jong ka Seng ki pynremjur ia ka jingshim sting jong ki tnat treikam ka Sorkar Jylla ki bym shimkhia ban pyntrei kam ia ki kyndon ain kiba ka Sorkar hi ka lahshna bad kane ka lah ban buh jingma shikatdei eh ia kum ka Jaidbynriew ritpaid bad kumjuh ruh ka lah ban ktahia ka Shongsuk Shnongsain ha ka Jylla hi baroh kawei.
Namar ba kumba paw hi ki dak ki shin kilah ruh ban don wat ki Bangladeshi ki ban rung bad riehtngen ha kumkine ki jaka trei kiba bun paid bad hadien katto katne kin samih pat ban lehia ki kam beain kiba bun jait ym tang ha ka Jylla hynrei ha Ri India hi baroh kawei.
Na ka liang jong ka Seng, kin nangpynjur shuhshuh ia ki kam ban khynra ia ki Nongbylla bar jylla ha kylleng ka Ri Lum Khais-Jaintia nangne shakhmat ruh bad lada ki lap ia ki bym don ki kot ki sla kiba biang, ka Seng kanym shah ia ki ba kin shong kin sah bad trei ha kumkita ki jakatrei bad ban pynphai ia ki sha la ki shnong ki thaw kiba ki ki wan.
