Shillong, Jylliew 06: Ka Khasi Student Union Thyllaw Border Unit ka
pynrem jur iaka jingjia ba sngewsih halor ka jingshah shoh ia u Bah
Phrangshanbor Wanshnong, uba dei u Rangbah Shnong jongka Nongrim
Warding ha ka miet jongka jongka Nongrim Warding ha ka miet jongka 4
tarik mynta u bnai, ha ka por 7 shiteng ne 8 baje mynmiet.
Katei kala jia ba utei u Rangbah ula leit donkam sha Shillong na ka
bynta ki kam skul jongka shnong bad namar bym lap kali shuh ban
wanphai ula kiew noh da ka kali Lawbah ban wanphai sha shnong. Ynda
ula poi ha Lawbah ula reserve da kawei pat ka kali maruti car na
Lawbah ban leit phai sha shnong. Ha kum katei ka por ba u thmu ban wan
na Lawbah sha Shnong kynsan kynsan u Telan Tohtih, Sar Tohtih na ka
shnong Mawlongbna (Umeit) bad ki nongbud jongki, kiba la tap iala ka
durkhmat kila sei jubor ia utei u Rangbah na ka kali bad kila patar
iaki jaiñ ki nep bad shoh ia u na ki bynta jongka shadem haduh ba un
da mynsaw jur bad ia kaba ym lah ban tip iaka daw.
Donbok ba ha kum katei ka por ba kitei ki runar ki thmu ban kit sha
wei pat ki jaka ba kham kyndong ia utei u Rangbah, na ka liang ki
dkhot jongki VDP jongka shnong Lawbah hadien ba kila iohi ia kane ka
jingjia kiba bat knieh kynthet ia utei u Rangbah na ka kti jongkitei
ki runar kiba thmu ban shim iaka jingim ba kordor jong utei u
Riewtymmen bad kila ialam noh ia utei u Rangbah da ki VDP sha iing
jong u Rangbah Shnong Lawbah Bah Kering Wahlang.
Halor katei ka jingjia ngi kum ka KSU Thyllaw Border Unit ngi ai ka
jingsngewnguh bad burom iaki VDP bad u Rangbah Shnong Lawbah ba kila
lah ban pyllait ia une u Rangbah na ki tyrsim jongkitei ki riew
thrangsnam.
Shuh shuh ba halor kane ka jingjia u Rangbah shnong Nongrim Warding
ula leit ban ujor da ka ejahar (FIR) sha ki pulit ka Mawsynram PS ha
ka juh ka miet ba kin leh ia kaba donkam. Halor katei ka jingujor jong
utei u Rangbah na ka liang ka Thyllaw Border Unit ka kyntu iaki bor ka
aiñba dei ban kem mardor ia kitei ki riewbymman bad ban pynshitom
katkum ka aiñ.
