Shillong, Naitung 21: Ka seng kynthei jong ka party BJP Meghalaya State Unit kala pynremjur ia ka jingjia hapoh jylla Manipur ha kaba la pyniaid lyngkhuid ia ki ar ngut ki kyntthei, ia kum kane ka jingleh ym lah ban pdiang da lei lei ruh em.
Ka kong Suk Pariat president ka seng kynthei ka party BJP ka jylla Meghalaya ka long ba ka sorkar Manipur ka dei ban kemb ad pynshitom ia kiba don ktien ha kane ka kam rumar kaba ym lah ban pdiang.
Ka seng Ka Lyngpung ki Seng Kynthei kala pynpaw ia ka jingpynrem jur ia kaei kaba la jia hapoh ka jylla Manipur kaba la thad ia ka long rynieng da kaba phah iaid lyngkhuid kumba la paw ha ki social media, kane kaba ym lah ban pdiang dalei lei ruh em.
Na ka liang jong ka synjuk ka pynrem jur bad dawa na ki bor jong ka ain ba dei ban thwet ban pynshitom ia kito kiba don kti kiba la leh ia katei ka kam runar, kane ka dei ka jingdawa jong ka synjuk ong ka kong Tentines Swer President.
