Shillong, Jylliew 06: Ka Meghalaya Peoples Human Rights Council (MPHRC) kaba long kawei na ki seng kaba ieng bad iaksaid na ka bynta ban kyntiew bad iada ia ka Hok Longbriew, ka pynrem jur ia ka jingshah siatiap jong ka longkmie hajan Chokpot Garo Hills, ka Josbina M. Sangma ha ki kynkhun kaikhlaw.
“Kane ka jingjia kaba khlem poi pyrkhat ka la pynsuhjer ia man la uwei pa uwei u nongshong shnong bad kito ki briew kiba don kti ban sait iap ia ka Josbina, ki dei tang ki khawpud kiba khlem niewkor shuh wat ia ka hok longbriew manbriew bad ka jinglaitliud ba tynrai” Ong u Bah Dino D.G. Dympep, Chairman MPHRC.
Haba pynpaw ia ka jingsngewkhia halor ka jingbymlah ka sorkar ban teh lakam ia ka shongsuk shongsain ha ki thain Garo Hills, ka MPHRC ka ban jur ba kane hi ka kdew shai ba ka jingkynrei jong ki kam ia um snam kiba la leh da ki seng lehnoh, kin nang pynshlur shuh shuh ia ka jingshah thombor bad jingshah iuhroit ia ka Hok Longbriew Manbriew bad ka dei ka kamram jong ka sorkar ban shim ia ka jingkitkhlieh ban peit ba ki briew kiba lui lui ki dei ban ioh ia ki lad jingiada kiba biang pura khnang ba kan don ka jing shongsuk shong sain ha ka jylla baroh kawei.pynkut ka kyrwoh.(SP News)
