Shillong, Naiwieng 08: U Division Forest Officer (DFO) jong ka East Khasi Hills District, u la pynsngeh ka jingai challan ban shallan ia u Mawshun sha bar Ri na East Khasi Hills District , kane ka jingpynsngeh kynsan kala buh ia ki exporter ha ka jingeh kumno ban leh ia ki LC kaba kila dep ban shim na ki Importer na Bangladesh.
Na ka liang jong u Divisional Forest Officer u Dr C. Manjunatha (IFS) u la ong ba ka jingpynsngeh ia kane ka jingai challan ka long b aka stok kaba rim kala lut bad mynta kila thoh sha ka sorkar ba kana i jingbit ban kin shim jingkhein biang ia u Mawshun ba dang sah ha ki parmawshun.
U Dr Manjunatha, u la iathuh ba mynta ki dang dang ia ka jingbit na ka sorkar, shisien ba kila ioh ia ka jingbit na ka sorkar kin sa sdang biang ban shim jingkhein bad ynda kila ioh ia ka jingkhien kin sa sdang ban ai challan biang sha ki nongkhaii ba dang don ia u mawshun ha ki par jong ki.
Naka liang jong ki trai par pat kila pynsngew ba ia kane ka jingkhien kila dep ban leit ai naduh u bnai Jylliew mynta u snem sha ka ophis jong u DFO jong ka East Khasi Hills District ba u mawshun u dang bun ha ki par jong ki namar ha ka por ba shim jingkhien mynshuwa la shu khien antnad. La ong ruh ba ka sorkar ka lum pisa ha kaba ia dei bad ka royalty na u ne u mar poh khyndew.
