Shillong, Nohprah 02: Ia ka taiew leh km
en jong ka Kiangnangbah College kaba la sdang ha ka 24 tarik Naiwieng la pynhap pyrda ha ka 1 tarik Nogprah hapdeng ka jingiphuh iphing ha kaba la jan baroh ki samla pule jong kane ka college ha Jowai kila ia shim bynta ha la ki jong ki jong ki bynta.
Ha ka sngi pynhap pyrda u Bah Gilbert Sten u ba long u Kongsan ha kane ka sngi u ba lah juh long kum u MDC barim jong ka JHADC kumjuh ruh u Kyrtong ban sa ia khun ha kane ka Election MLA ka ban sa wan na 4-Mowkaiaw Constituency na ka National People Party(NPP).
Ha ka jingkren jong u Bah Sten ha kane ka sngi u la kyntu bad ai mynsiem ia ki samla ban nang iai tur shaphrang khamtam ha ka pule puthi ka ban long ka waitlam ha jinglong briew ban poi sha kano kano ka thong ba kum ki samla ki angnud.
Ha ka juh ka por u la kyntu ia ki samla ba lah dei ka por ba ki samla kin mih shakhmat ban ia shim bynta ha ka kam shynshar khadar khnang ba kin tei ia ka lawei ka ri ha ka lynti kaba dei, ” ngi lah shah ieh bieñ ha baroh ki liang khamtam ha ka jingnang jingstad, ka koit ka khiah ha ki lad ioh kam ioh kam ioh jam” u la ong,
ka Kiang Nangbah Govt College kaba la kynjoh mynta sha ka 50 snem mynta kala ai ka jingshakri kaba ha kaba ai ia ka jingnang jingstad ha baroh ki khun samla jong ka Jaintia Hills baroh kawei, hynrei kaba sngewsih ka long ba ka college kam pat biang ei ei ruh naduh haduh kine ki sngi.
Ki samla pule jong kane ka sngi ki lah iashim shongshit ha ki ba bun bynta jong ka jingialehkai kiba bun jaid. Ha kane ka sngi ba kut lah pynlong ruh ia ka jingiakop Prince bad Princess jong ka KNGC iaka nam lah ioh rah da ka Carigmadem Shadap kum ka Princess KNGC 2017 bad u Bah Isynei Dkhar kum u Prince KNGC 2017.
