Shillong, Rymphang 22: Mynta ka sngi National President ka party NPP u Conrad K Sangma la pdiang burom ia u Lamphang barim ka iing dorbar thawain ka jylla u Martin M Danggo bad la pynthikna ban ia khun ia ka MLA ha u snem 2023 na ka party na ka 35-Ranikor Konstitwensi.
Ha kane ka sngi la pdiangburom ruh ia ka kong Macdalyne S Mawlong MDC ha KHADC na Umsning Konstitwensi jong ka PDF kaba la leit ban pyniasoh bad ka party NPP, bad na ka liang ka party kala pynthikna ba kan ia khun ia ka MLA ha u snem 2023 na Nongpoh Konstitwensi.
Haba kren ha kane ka jingialang u Conrad K Sangma u la ong ba ka party kan trei shitom ban ioh ia ka jingbun paid ban synshar ha ka jylla khlem da kyntait ia ki party kiba don ha ka sorkar MDA, kane ka dei ka thong jong ka party.
Ha kane ka sngi u President ka party u la pynkynmaw ia ki para dkhot haba ki wan ban rung sha ka party ki dei ban don kawei ka thong, kata ka long ban shakri ia ka jylla lyngba ka party bad ka party kan pli lat plie lynti hala ki jong ki jong ki bynta.
U symbut national president u bah Prestone Tynsong haba pynbna ba kitei ki ar ngut kin long ki kyrtong jong ka party ha u snem 2023, la ong ba ka party lyngba u State President kin sa bthah ban pynthymmai ia Blok ha kitei ki Konstitwensi.
Ha ka jingkren u Bah Martin M Danggo la ong ba ha ka jingshisha um kwah ban iakhun ia ka MLA namar ki paidbah kila pynrem ia u ha ka election shiteng samoi , hynrei ha dien ba ki paidbah kila kyrpad la pdiang ia ka jingkyrpad jong ki ban ia khun biang ia ka MLA ha u snem 2023, ha kane ka sngi baroh ki nongialam kiba la phet na ka party kila wan phai biang.
Kiwei ki nongialam kiba paw kiba la wan sha ka party NPP, ki long u bah Manstudy Nongrem CEM barim ka KHADC, u bah Hambertus Nongtdu CEM barim ka JHADC, u bah Thomas Nongtdu MDC barim, u Renol Kharkamni nongialam ka party UDP na Ri Bhoi bad u General Secretary ka UDP na Ri Bhoi District kiba la pyniasoh bad ka NPP.
