Pynthymmai biang ka HANM ia ki nongkit kam ba thymmai hapoh ka shnong Mairang

Shillong, Nailar 11: Ka seng Hynñiewtrep Achik National Movement (HANM) kala pynthymmai biang ia ki nongkit kam ka seng hapoh ka shnong Mairang, ka jingleit ban pynthymmai ka long namar ba u Genenral Secretary ba rim u bah Bobby Basaiawmoit ba la ia ka seng  Mairang Circle.

Ha kasngi ba pynskhem thymmai ia ki nongkti kam ka seng u General Secretary barim jong ka HANM Mairang circle u bah Saiñborlang Basaiawmoit u la ong ba ka jingkam jong u bah Bobby ba la pynduh pyndam ia ka HANM ha Mairang Circle ka long kaba bakla namarba ki don tang 2 ne 3 ngut kiba la mih na katei ka seng ryngkat u bah Bobby katba kiba bun pat ki dkhot ki dang don hapoh jong katei ka seng.

U bah Saiñborlang u la ong ba kumba ka long haduh mynta ka HANM ha Mairang ka dang khlaiñ bha kumba ju long bad baroh ki dkhot ki dang don hapoh ka seng. “Ka jingkam u bah Bobby ba la pynduh pyndam ia ka HANM Mairang Circle ka dei kaba ialam bakla, baroh ki dkhot ki don hapoh ka seng”, ong u bah Saiñborlang Basaiawmoit.

Ha kane ka sngi ba la leit ban pynskhem ia ki nongkitkam ba thymmai, la pynkhamti ia ka kam President ha u bah Saiñborlang Basaiawmoit, General Secretary ha u bah Probinus Siangriang lem bad kiwei pat ki nongkitkam bad ki dkhot jong ka Executive Committee.

La pynskhem ia ki nongkitkam ryngkat ka jingpynbam smai da u President rangbah jong ka HANM u bah Lamphrang Kharbani. Ha katei ka sngi la don lang kiwei pat ki nongialam jong katei ka seng na Central Body ba kynthup ia u bah Kyllang Thongni-Vice President uba dei u Incharge jong ka West Khasi Hills.

U bah Arphul Kharbani Chairman high Level Committee lem bad kiwei pat ki nongialam kiba la wan na Shillong bad na Nongstoiñ. Ki nongialam jong katei ka seng ki la pynsngew ia ka nongrim ba ka seng HANM ka ïeng kaba kynthup ban iada ia u pud u sam bad kiwei pat ki mat kiba dei na ka bynta ka jaitbynriew.

Ha katei ka jingialang kaba lyngkot kaba la pyniaid da u Secretary Shnong bah Lambok Nongrang la donlang ruh u Sordar jong ka Mairang u bah Bornard Syiemlieh uba la ai ki jingsneng jingkyntu ryngkat ki jingkyrkhu kyrdoh ia ki nongialam ka HANM naduh ki nongialam ka Central Body bad ki nongialam ka Mairang Circle ba kin nang lah ban trei kham bha na ka bynta ka ri bad ka jaitbynriew baroh kawei.

 

 

What Next?

Recent Articles

Leave a Reply

Submit Comment

*