Shillong ,Rymphang 12: U Joint Director ka Meghalaya Board of School Education (MBOSE),Bah M Marbañiang u la pyntip ba na ka liang ka tnad ka la don ka jingïapynbeit ban pynlong noh ïa ka eksam Matrik ne ka Secondary School Leaving Certificate (SSLC) ha u bnai Nohprah 2025.
Ha ba ïoh ban ïa kren bad u Bah Marbañiang u la ong ba ka MBOSE ka la phah ïa ka jingpyntip sha baroh ki skul ba ka eksam na ka bynta ki khynnah ki ban ïa khun ïa ka SSLC eksam ne ka Matrik kadei ban long noh ha poh u bnai Nohprah.
“Ka jingthmu jong ka sorkar ban pynlong kham kloi ïa ka eksam matrik ne SSLC ka dei namar ba ka kwah ban ailad ïa kito ki khynnah ki ba phail ha ka eksam ban ïoh pat ban thoh ïa ki subject ki ba ki phail” U la ong.
U la ong ruh ba kane ka jingthmu jong ka sorkar ban pynlong kham kloi ïa ka eksam ka long kum kalad ïa ki khynnah ban ïoh thoh pat ïa ki subject kiba ki fail, kane kan long ruh ha ka ban iarap ïa ki khynnah ban lait na jingpep skul ba tang shitengpor.
“Kane kan dei ka lad ka ba biang ia ki khynnah ba kin ïoh ban pyndep ïa ki jingpule khlem da don kam ban ap ne shongïing ha duh shi snem” U la ong. U la pyntip ruh ba Kane kan ïarap shibunbah ïa ka sorkar ha kan lah ban thehlakam ïa ka jingbun ki khynnah kiba pepskul shitengpor.
