Shillong, Nailar 20: ka Garo Hills Autonomous District Council (GHADC) ka dang pyrkhat mynta ba kan leit tied jingkhang sha ka iing bishar ban pynioh ia ka pisa jong ka Council n aka sorkar jylla. U CEM jong ka GHADC u Denand T Sangma u la ong ba haduh katno ki lah ban ap namar kumba ka long mynta ki nongtrei la khyndai bnai kim pat ioh tulop.
Haba kren ha u SP News Agency, u CEM u la ong ba ki la ap mynta la bun bun bnai, lad aka sorkar jylla ka leh khnang ban pynslem ha kaba pynlait ia ka pisa, kim don lynti da kumwei pat ki hap banleit ban pan ia ka bhah ka jong ki lyngba ka iing kashari.
“ Ngi la dep ban ia pyrkhat ban leit sha iing bishar, bad kane kan long ka lynti kaba khatduh kaba hi hap ban shim, ngin ap mynta sa katto katne sngi namar ba kila ap mynta la bun bun bnai”, la ong u CEM jong ka GHADC.
Ka jingeh kaba kane ka Executive Committee kaba mynta ka ia kynduh ka dei na ka daw b aka sorkar jylla kala shah ia ka executive Committee kaba rim ba kin sei palat ia ka pisa kaba la poi ha duh T.22 klur tyngka bad mynta ka sorkar jylla pat ka khate noh ia kane kaba la ai tam shi sien khate, ia ka bha kaba dei T.18 klur na ki mar poh khyndew ba la pynlait la shimnoh ka sorkar. Kaba dang sah mynta kaba ka GHADC ka dang hap ban siew sha ka sorkar ka long kumba T.4 klur tyngka.
Ka pisa kaba ka GHADC ka pan mynta ka dei na ka bhah kaba ka sorkar pdeng kala ai kyrpang ia ki District Council ha kane ka jylla bad ka Garo Hills ruh ka dei ban ioh, kane ka pisa ka dei ka bhah kaba la mang kyrpang da ka sorkar pdeng.
