Pyrshah ka JSU ia ka sorkar MDA ban ai pyniaid ia ka MeECL sha ki kompani shimet

Shillong, Jylliew 03: Ka seng JSU Central Body lyngba ka kyrwoh na u President ka seng u Samla Jersom Shylla bad na u General secretary u samla Treiborlang Suchen ka pyrshah jur ia ka jingthmu jong ka Sorkar MDA ban pynlong private ia ka MeECL bad ka la phah da ka jingthoh sha u Chairman cum Managing Director Meghalaya Energy Corporation Limited ban pyrshah ia ka ka jingthmu jong ki ban ai Tender bad contract bad ha kajuh ka por ban pyniaid noh ia ka 3 x 42MW MLHEP Stage 1 Power Station bad ka 2 x 20MW New Umtru Power Station of MePGCL sha ki private kompani ki ba na bar jylla.

Ka seng ka sngew ba ka jingleh jong ka sorkar jylla ka don kaei re ka ei sha lyndet ne lah ban don kano ne kano ka jingiohnong jong ki katto katne ngut ki heh ki haiñ, ha ka ba ngi hapoh ka jylla jong ngi ruh ngi don bun ki briew jong kiba lah dep pule bad kiba tbit ha kaba ia dei ban pyniaid ia ki Power Station jong ka MeECL

Ka seng ka pynsngew shuh shuh ha kawei ka liang kane ka jingthmu jong ka sorkar ban ai sha ki private companies kan wanrah ia ka jingduh kam duh jam bad ka jingduhnong kaba khraw ia ki samla jong ngi ha kane ka jylla ha kiba lah trei ha ki kam bapher bapher jong ka MeECL bad iaka hok jong ki khun samla yn ioh bujli noh daki nongwei nongar kiba dei pat ki briew jong ki kompany.

Ka seng kam lah ban shu sngap bad shong kli kti ban iohi ba ka sorkar ka lah sdang ban die duh iaka hok jong u paidbah ka jylla sha ki kompani shimet khlem da pyrkhat bha ia ka jingkyrduh kam kyrduh jam ki khun samla kiba bun ki samla jong ngi kiba lah dep pule  bad kiwei ki kyrdan ba kin duh kam duh jam ha baroh ka pateng hala ka jong ka jylla.

Ha kaba iadei bad kine ka seng kan iengskhem ha ka nongrim ban pyrshah jur ia ka jingthmu jong ka sorkar bad ngi ngeitskhem ba ka sorkar kan sngap ia ka jingpyrshah jong ki paidbah.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet