Shillong, Risaw 19: Ka Nehru Yuva Kendra Sangathan, Meghalaya ha ka jingiatreilang bad ka Tnat kam ialehkai jong ka Sorkar Meghalaya ka la pynlong ia ka jingialang halor ka prokram Meri Mati Mera Desh mynta ka sngi ka 19 tarik Risaw, 2023 ha Conventional Hall, NEHU.
Ha kane ka prokram, u S.C Sadhu, IAS Secretary C&RD u la long u Kongsan bad ka Kong IsawandaLaloo, IAS Director jong ka Tnat Kam ialehkai jong ka Sorkar Meghalaya ka la ia donlang kum ka Symbud Kongsan.
Ha kane ka jingialang, u Kongsan u la aiti ia ka AmrutKalash sha u nongialam jong ka kynhun ka ban pynpoi ia ka khyndew sha Delhi ryngkat bad ki nongiashim bynta na ki block bapher bapher jong ka jylla Meghalaya ha ka 25 tarik Risaw, 2023. Kane kalong katkum ka kyrwoh ba la pyllait da u Atul J. Nikam, State Director NYKS, Meghalaya.
