Shillong, Nailar 20: Ka jingiakop thei bha briew bad rang bha briew la pynlong mynta ka sngi da ka seng Glamp snap hapoh Soso Tham Auditorium Shillong ha kaba baroh ki nongwan ia shimbynta baroh ki long 14 ngut.
Ha kane ka jingiakop Miss Glamp Snap 2016, ka samla Sangeeta Das kala long ka nongjap ha kane ka jingiakop, kaba la wan ba ar ka dei ka samla Tenaaz Marak bad kaba la wan balai ka dei ka samla Toshibenla Imshang.
Na ka liang jong ki shynrang ia ka nam Mr Glamp snap 2016 la rah da u samla George Shapdap , u bala wan ba ar u Reshem Poudel bad u ba la wan ba lai u dei u Ethan Nongkhlaw .
Na ka liang jong ki kyntheri ki don hynriew ngut bad na ka liang jong ki shynrang ki don phra ngut. Ka jingiakop ka long kaba ia shong kun ha kaba ki thei bad ki rang kila pynishisha ia la ka jong ka sap ka phong ka jong ki kaba ki don ha kane ka rynsan jingiakop.
Ha kane ka sngi da ki spah ngut ki briew kila ia poi ban peit kai ia kane ka jingiakop. Ban pynbyrngai ia ki nongwan peit kai kila don ruh ki jingshad ban khring ia ki nongwan peit kai ha kane ka jingiakop.