Shillong, Nohprah 05: U myntri rangbah ka jong ka jylla u Dr Mukul Sangma u la ong ba ka jingialang jong ka cabinet kaba la shong mynta ka sngi kala shim ia ka rai ban kyntiew ia ka “Contingency Fund” jong ka sorkar na ka T.205 klur sha ka T.455 klur.
U myntri rangbah u la ong ba ka jingdon kam kyrkieh ban leh ia kane ka long ba don kam ban siew ia ka bai bylla sngi jong ki briew kiba don ia ka kard bylla shispah sngi bad ka pisa kaba hap ban siew ia kine ki briew ka la kot palat ia ka T.200 klur tyngka.
La ong ba ki don ruh bun kiwei kiwei ki jingsiew kiba ka sorkar ka dei ban leh, lada ka sorkar kam lah ban pynkiew ia kane ka Contingency fund ka sorkar kan nym lah ban pyndon kam ia ka pisa ka dei jong ki nongbylla bad ia kane ka pisa yn siew mynta u bnai Nohprah.
Kane ka skhim bylla sngi ka dei ka skhim kaba la wan rah da ka sorkar UPA kaba la ialam da ka seng Congress bad ka sorkar ka wah ban iohi ba kane ka skhim kan long kaba jop ha ki shong ki thaw namar ka ia dei beit bad ki paidbah ia kaba la tip kum ka MERGS.
Kiwei ki rai kiba ka cabinet kala shim bynta ka sngi ka long ban pynbun ia ki nongdie khaw lang ia u khaw rashon, bad kita ki long ba ka Jowai kan ioh sa u wei u nongdei lang, ka Mawkyrwat kan ioh sa ark i nongdie lang, ka Mairang u wei u nongdie lang Khliehriat kanioh u wei u nongdie lang bad ka Resubel para kan ioh ar ki nongdie lang.
