Shillong, March 04: ka jingialang jong ka cabinet kaba la long mynta ka sngi ka la shim ia ka rai ban kin wanrah biang ia ka bill Meghalaya Lokayukta Bill 2014 ban wanrah ia ka jingkylla ha ka Meghalaya Lokayukta (Amendment) Act 2013.
Haba kren ha ki nongthoh khubor ha dien ka jingialang na ka liang jong u myntri rangbah ka jylla u Dr Mukul Sangma u la ong ba ka sorkar kan wan rah biang ia kane ka bill ha kane ka sien shong dorbar kaba mynta ka sdang ha ka sngi thohdieng.
Ka sorkar kan pynkylla ia ka Lokayukta Act, 2013 bad kan wanrah da kaba thymmai katkum ka Lok Pal billkaba la wanrah hapoh Parliament ha u Nohprah jong u snem 2013. Kane ka bill kan bujli ia ka Meghalaya Lokayukta act 2013,”la ong u Dr Mukul.
Namar ba ka Parliament kala passed ia ka Lokpal bad Lokayukta Act 2013, dei na kane ka daw ba ka sorkar jylla ruh ka hap ban leh ia kane, la ong ba kila don ki jingpynkylla ha ki katto katne ki bynta. Ia kane ka Bill yn khot ka Meghalaya Lokayukta Act, 2014.(SP News)
