Shillong, Nailur 01: Ka jingialang kaba la long mynta ka sngi hapdeng ki seng bhalang kiba pyrshah ia ka surok bad kiba kyrshan hapoh jong ka KHADC, ha dien ba kila ia kren kumba lai kynta duna kila poi sha kawei ka thong ban nym ai NOC ia ka surok na Nongstoin sha Wahkaji bad na Wahkaji sha Ranikor.
Haba kren ha ki nongthoh khubor, u CEM jong ka KHADC U Bah PN Syiem u la ong ba ha dien ka jingiaphylliew jingmut na baroh ki liang, ki seng kiba kyrshan bad kiba pyrshah bad kum juh na ki para MDC, kane ka jingialang kala shim ia ka rai ban nym ai ia ka NOC ban shna surok na Nongstoin sha Wahkaji bad na Wahkaji sha Ranikor.
Haba ia dei bad kane ka surok na ka liang jong ka KHADC kala shim ia ka rai ban mang pisa T.20 klur na ka song tyngka kaba kyrpang jong ka KHADC ban maramot ia kane ka surok kaba la don mynta na Nongstoin sha Wahkaji bad sha kiwei dei ki shnong kiba don mar khap katei ka jaka.
Halor kane ka KHADC kan thoh sha ka PWD bad ban ai ia ka jingkhein namar kane ka jaka ka hap ha ki lai tylli ki PWD Division, ka Nongstoin kumba 10km, ka Mawkyrwat kum ba 33 km bad ka Rani kor ka longkumba 25 km.
Halor kane ka rain a ka liang jong ka Executive Committee kan sa shong ha kine ki sngi ban shim ia ka rai bad ban pyntip sha ki bor kiba dei ha kaba ia dei bad kane ka kam. Kiba la ia poi sha kane ka jingialang ka long bun tylli ki seng na ka liang pyrshah la lam khmat da ka KSU bad na ka liang kyrshan ruh kila ia don.
