Shillong, Kyllalyngkot 15: Ka kabinet ha ka jingialang kaba la long mynta ka sngi kala shimia ka rai ban pynkylla ia ka “Meghalaya State Anthem” da kaba pynrung ia ka ktien pnar ha ka jingrwai.
U Myntri rangbah ka jylla haba kren ha ki lat pathai khubor ha dien bala wan ka jingialang ka kabinet la ong ba sngew kmen ban pyntip ba ha ka jingrwai jong ka Meghalaya State Anthem la pynrung lang ia ka ktien pnar.
Ia kane ka jingrwai jong ka Meghalaya State Anthem yn sa pynlait bad tem ha ka ka jingpynlong ia ka Meghalaya Games kaban sa long ha Wajiajer West Jiantia Hills District, ia kane ka rai la shim ha dien ba la ioh ia ka jingai jingmut na ki Jaintia Hills khamtam u symbut myntri rangbah kajyllau bah Sniawbhalang Dhar.
U myntri rangbah ka jylla la ong ba ka kabinet kala shim ia ka rai ban pyntrei kamia ka Town and Country Planning Scheme, kane ka long ban wan rah ha kawei ka shatri ha kaba baroh ki bor ba don bynta, ka sorkar, District Council, khlieh nongsynshar bad ki bor shnong, Nokma, Riaj bad ki elaka kin don lang ha kawei.
Kane ka long ban wan rah lang ruh ia ki District Council bad ki paidbah ruh kum juh bad kane ka long ban ai lad ba kin ia mir jingmut ba ki jaid kam pynroi ia aiu kaba ki kwah ban pyntrei kam,m lada tang kawei ka kynhun kam mynjur ki skhim kala sah kut.
Kumba ka long mynta ka Shillong Master Plan ka don 290 kilo meter sawdong badkane ka kynthup ia ka Mawkhanu bad Diengpasoh, kumba ka long mynta ka jingroi jong ka sor bad don kam ban pynbha na ka bynta ka roi ka par bad kane ka long ban pynthikna kan don ka jingiatreilang.
