Shillong, Naitung 20: Mynta ka sngi ha ka jingalang jong ka kabinet kala rai ban pynkiew noh ia ka dor jong ka Diesel bad Petrol da 50 naïa.U Myntri Rangbah u Conrad K Sangma ul a ong ba ka dor jong ka diesel hapdeng ka Meghalaya bad Assam ka heh bha ia mynta.
U la pyntip ba ha Guwahati, ka dor ka long T. 90.33 katba ha Khanapara, Ri-Bhoi District ka long T. 84.10. Kane ka mut ba ka jingiapher ka long haduh T. 6.23 naïa ha ka diesel. Haba iakren bad ki nongthoh khubor u la ong, haba peit ia ka jingioh lum khajna naka bynta ka Jylla, la rai ban pynkiew noh ha ka wad ba nyngkong da 50 naïa.
U Myntri Rangbah ka jylla u la ogn ruh, yn buh ia artylli kiei kiei ha ka jingmut jingpyrkhat. Kawei ka long ba ka dei ban don ka jingiapher ha ka dor khnang ban kham pynmyntoi hapdeng ka iew Guwahati bad iew Khanapara, Ri-Bhoi.
Kaba ar, yn buh ha ka jingmut jingpyrkhat ia kaei kaba ka dor ka long ha ka ri baroh kawei ban peit ba kan nym tam.U Mytnri rangbah ka jylla u la ong ba ka Jylla Meghalaya ka dei kaba la lah ban pynneh ia ka dor ba rit tam haba phai sha ka diesel bad petrol ha ka Ri kumba ka long mynta.
Ka Sorkar Jylla Meghalaya ha ka jingialang ka khynhun myntri ba la long ha ka sngi Palei jong ka taiew kala mynjur ia ka jingtyrwa ban thied ia ka jaka ba 50 acre ha Pung Nongmahir, Ri-Bhoi District na ka bynta ban tei ia ki jingtei ki ban kyntiew ia ki kam jngohkai pyrthei bad ka sorkar kan pynlut T.10 klur ban thied ia katei ka jaka.
La leh kane ka leh khnang ban nang kyntiew ia ka jingdon ki jaka jong ka Sorkar khnang ban lah pyntrei ia ki project kam jngohkai pyrthei, u lala ong ruh ba la iatip ruh ba ka thain pung Nongmahir ka dei kaba itynnad bha bad kaba khring bha haba iadei bad ki kam jngohkai.
Na kata ka daw da ka jingthied ia kane ka jaka, yn sa lah ban pyntrei ia ki skhim kam jngohkai ha ka thain ba don ha district. Kat kum ka jingong jong u, ka Sorkar kan shna ia ka Resort nalor kiwei kiwei ki kam ba iadei bad ka kam jngohkai pyrthei.
