Shillong, Iaiong 24: Mynta ka sngi ki Chief Executive Members jong ki lai tylli ki District Council, u bah Thombor Shiwat CEM ka JHADC, u Albinush K Marak CEM jong ka GHADC bad u bah TItsosstarwell Chyne CEM jong ka KHADC kila ia don lang ha ka jingialang kaba la long ha KHADC, kane ka jingiakynduh ka long kila shim ia ka rai ban pyrshah ban pyntrei kam ia ka “Uniform Civil Code” ha ki jaka jong ki riewlum.
Ha dien ka jingialang u CEM jong ka KHADC u bah Titosstarwell u la ong ba na ka liang jong ki District Council ha kane ka jylla Meghalaya kidon ka jingsngewkhia ba lada pyntrei kam ia ka UCC kan ktah ia ka jingtrei kam ki District Council ha ki jaka jong ki riewlum, kane kan ktah ruh ia ka riti dustur bad ka deiti.
Ha kane ka jingialang kila shim ia ka rai ban shim ia ka rai ban pyrshah ia ka jingpyntrei kam ia ka UCC ha ki jaka jong ki riewlum, ia kane kin sa shim ia ka rai ha ki jingiashong dorbar ha ki iing dorbar la ki jong ki jong ki District Council haba ia dei bad kane ka rai.
Ha kane ka jingialang la ia kren ruh halor ka jingkwah ka sorkar pdeng ban pynkylla ia ka Sixth Schedule kaba la sahteng la kham slem mynta, hynrei ki ki dang don katno katne ki bynta, ia mynta ki don ar bynta, kawei ka jingthmu ban pyntrei kam ia ka “Village Council” ha ki jaka jong ki Riewlum bad ka “Unrepresented Tribes”, kine ki long ki ar tylli ki mat kiba dang hap ban ia mir jingmut bha.
Ha kane ka jingialang na ka liang jong ka KHADC kala pynshai sha u CEM jong ka JHADC bad GHADC ba ka KHADC kala pdiang ia ka Village Development Council , kwah ban iohi ba ha kine ki ar tylli ki District Council ruh kin pdiang ia ki Bill khnang ba ka ka jingpyntrei kam ia ka Village Council kan ktah ia ka jingtreikam namar ka jylla ka don la ka ka rukom trei kam katkum ki riti dustur bad kim kwah ban iohi ba ki riti dustur kin jan noh.
Ha kane ka jingialang la ia kren ruh ha kaba ia dei bad ka kam pisa, ki District Council ki ioh ia ka bhah na ka sorkar jylla, kum na ki marpoh khyndew kiba don ar bynta ki marpoh khydnew kiba rit bad kiba heh bad na ka khajna jong ki kali kaba ka sorkar ka lum, hynrei kaba sngewsih ka long ba ha baroh kine ki snem kiba la leit ymjuh ioh ia ka jingkhien kaba biang.
Kaei kaba jia ka long ba sorkar jylla kala shu ai kyllum ia ka bhah ba dei jong ki District council iaki khajna kaba ki la lum, na ka liang jong ki District ki kwah ruh ban kyntu ia ka sorkar jylla ba kan dang pynioh kham bun ka pisa na ka bynta ki District Council kum kiwei ki lat jingirap.
Ha kane ka jingialang la ia kren ruh ia ka jingpynslem ka sorkar jylla ban pynlat ia ka pisa ha ka por kaba biang, kane ka ktah ia ka jingpyntrei kam, namar lada kim ioh ia ka pisa ha ka por ba biang ki ruh kin nym lah ban ai ka syrnot ba kila pyndon kam, kumba kalong mynta ia ka “Untied Scheme jong u snem 2021 haduh mynta 2023 pat ioh, kum ka skhim ha ka koit ka khiah.
Ha kane ka jialang la iakren ruh ia ka jingpyntreikam ka sorkar pdeng ia ka skhim “Smart Metter” ha kaba ki pyrshah ia ka jingpyntrei kam ia kane ka skhim ka daw ka long namar ka rukom bat khyndew ha kane ka jylla ka ipher na kiwei ki jylla jong ka Ri India.
Ha kane ka jingialang la don lang ki Symbut CEM, ki Lamphang, Ki EM bad ki ophisar na ki lai tylli ki District Council kila ia don lang ban iakren ki jingeh jong ki District Council ha kane ka jylla.
