Shillong, Jymmang 03: Ki seng bhalang jong ka jylla Meghalaya mynta ka sngi kila khot ia ka jingialang ha kaba kila ia kren halor ka khubor kaba la mih na ka sorkar pdeng ba ia ka Amendment ia ka Sixth Schedule yn wanrah ha ka jingshong dorbar jong ka parliament ka ban wan.
Ki seng bhalang kiba la ia poi sha kane ka jingialang mynta ka sngi ha ophis trei kam jong ka seng KSU, ki long haduh khatar tylli, Khasi Students’ Union, Meghalaya Indigenous Peoples Forum, Synjuk Nongsynshar Shnong ka Bri Hynniewtrep,North East Students’ Organisation, Federation of Khasi-Jaintia and Garo People, Federation of Khasi States, Garo Students’ Union, Ka Dorbar ki Khlieh Nongsynshar ka Ri Hynniewtrep, Hynniewtrep National Youth Front, ADE, AYWO bad ka KKTMS.
Ha kane ka jingialang kila ia kren halor ka jingthmu jong ka sorkar pdeng ban wanrah noh ia ka jingpynkylla ia ka Sixth Schedule ha ka shien shong dorbar jong ka Parliament ka ban wan. Kine ki seng bhalang kila shim khia ia kaei kaba ka sorkar pdeng kala pynpaw lyngba ki lad pathai khubor.
Ha kane ka jingialang baroh ki seng bhalang kiba la poi ha rai ba kin thah sha baroh lai ngut ki MP jong ka jylla, u Bah Vincent H Pala, u Conrad K Sangma MP jong ka Lok Sabha bad ka kong Wansuk Syiem MP jong ka Rajya Sabha ba ki dei ban pynioh ia ka kotpi ba mut ban pynkylla ia ka Sixth Schedule shuwa ban kan poi ka dor ha Parliament.
Kane ka jingpang kotpi ka long ba kin dup ioh ban ia bishar bniah ia kaei kaba ka sorkar pdeng ka thmu ban leh ba ioh leh se kan don ka jingktah ia ki rit paid jong ka jylla shuwa ba kan wan lap kano kano ka jingjia ki kwah ban ioh shuwa.
