Shillong, Jylliew 10: ka party BJP ha Meghalaya mynta ka sngi 10/Jylliew/2026 kala pynlong ia ka jingduwai ha ophis trei kam jong ka party ban rakhe ia ka jingdap 12 snem ka jingsynshar u Narendra Modi bad ha kane ka por ka Thain shatei Lammihngi ka Ri India kala ioh ia ka jingkiew ha ka ioh ka kot.
Ka seng ka ai ia ka jingkubur jong ka ia ka jingbuh thong u myntri rangbah duh ka Ri India ban pynlong ia ka Ri India ka ri kaba la kiew ha shuwa u snem 1947 bad kum ka seng kala pynlong ia ka jingduwai na ki kynhun niam bapher bapher, kum ka niam khristan, Niamtre, Hindu, la pule ruh na ka Quraan, Sanskrit na ki Hindu.
Ka jingduwai ka long ban duwai na ka bynta u myntri rangbah duh jong ka ri ba ha ka jingialam ka jong u ba ka ri kan dang kiew ha baroh ki liang bad ban pynthikna ia ka shongduk shongsain ha Northeast bad na ka bynta ka roi ka par kane ka thain.
Ia ka jingialang ban duwai la pyniaid da u bah A.L Hek MLA, ka jingdon lang u President ka party BJP ha kane ka jylla u Rikman G Momin, u Sagar Rayka, National Vice President BJP ba peit ia ki rit paid.
