Shillong ,Jylliew 05: Ka Khatsawphra Land & Forest Owner’s Association ka la pynlong ia ka World Environment Day ha Tirot Sing Ecological and Heritage park Mairangbah kane ka jingrakhe ha kane ka sngi ba kyrpang bad pynsngewthuh ia ki paidbah kane ka thaiñ ia ka jingdonkam ban pynneh pynsah ia ka mariang.
U bah PM Syiemlieh u syiem ka Hima Nongkhlaw uba long kongsan ha kane ka sngi haba ai jingkren ula ong,kumba shityllup ka pyrthei ki rakhe ia kane ka sngi ba kyrpang na ka bynta ka mei mariang,kaba long kum ka kmie kaba ri ba kdup bad pynheh pynsan ia la ki jong ki khun kum ki khun bynriew ki dei ban burom ia ka mei mariang kum ba burom ia la ki jong ki kmie ki kpa da kaba ri ba sumar bad da kaba pynneh pynsah ia ka mariang ym tang ban pyrkhat ia kaba mynta hynrei na ka bynta ka lawei ka ban sa wan.
U KM Syiemlieh u Syiem Khynnah ka Hima Nongkhlaw kum u symbud kongsan haba ai jingkren ha kane ka sngi ula ong,U Blei ia u briew ban long u kynrad halor ki mrad ki mreng ki sim ki doh bad ki lum ki wah hynrei u briew tang namar ka jingkhwan bad lalot spah u la pynduh pyndam ia kaei kaba la buh beit buh ryntih da u Blei ia ki jingdon jingem ha ka mariang da kaba pom pathar ia ki dieng ki siej ka jingkhlong ia ka khyndew ka shyiap khlem da pyrkhat kaei kaban sa jia hadien.
U Bah NL Mawnai uwei na ki nonghikai ka Tirot sing college haba ai jingkren ha kane ka sngi ula ong,ka United Nation ha ka 1992 ka la buh ia ka 5 tarik u jylliew kum ka sngi ban rakhe ia ka world environment day kum shi bynta ban pynsngewthuh sha ki paidbah ka pyrthei ia ka jingkordor ka mariang.Kumba ka long mynta 23% ki khlaw ki don ha ka ri India 59% ha North East bad 43% ha ka Meghalaya hynrei kat dang mih ki sngi ka jingpom pathar ia ki khlaw da ki briew khlem da thung bujli da kiwei pat ka pynlong ia ki khlaw sngi ki dang stang bad syllen ki kat dang mih ki sngi.
Ha kane ka sngi rakhe ia ka World Environment la wan ia shim bynta da ki dkhot ka KLFOA,u President ka HNYF Western Region u Bah KS Rani,ki seng Longkmie ka Mairangbah ki sordar jong ki shnong ba marjan,ki trai khlaw ki trai karkhana ot dieng,ki nonghikai,ki khynnah skul jong ka Mairangbah LP School bad Domkor RC UP School.
Kum shibynta bynta ban pynneh pynsah ia ka jingkhuid ha ka sawdong sawkun ka mariang la sam ia ki hynriew phew tylli ki tin ñiut sha ki lai tylli ki shnong ka Pyndeng umiong ka Mairang Mission bad Mairangbah.(SP News)
Shillong ,Jylliew 05: Ka Khatsawphra Land & Forest Owner’s Association ka la pynlong ia ka World Environment Day ha Tirot Sing Ecological and Heritage park Mairangbah kane ka jingrakhe ha kane ka sngi ba kyrpang bad pynsngewthuh ia ki paidbah kane ka thaiñ ia ka jingdonkam ban pynneh pynsah ia ka mariang.
U bah PM Syiemlieh u syiem ka Hima Nongkhlaw uba long kongsan ha kane ka sngi haba ai jingkren ula ong,kumba shityllup ka pyrthei ki rakhe ia kane ka sngi ba kyrpang na ka bynta ka mei mariang,kaba long kum ka kmie kaba ri ba kdup bad pynheh pynsan ia la ki jong ki khun kum ki khun bynriew ki dei ban burom ia ka mei mariang kum ba burom ia la ki jong ki kmie ki kpa da kaba ri ba sumar bad da kaba pynneh pynsah ia ka mariang ym tang ban pyrkhat ia kaba mynta hynrei na ka bynta ka lawei ka ban sa wan.
U KM Syiemlieh u Syiem Khynnah ka Hima Nongkhlaw kum u symbud kongsan haba ai jingkren ha kane ka sngi ula ong,U Blei ia u briew ban long u kynrad halor ki mrad ki mreng ki sim ki doh bad ki lum ki wah hynrei u briew tang namar ka jingkhwan bad lalot spah u la pynduh pyndam ia kaei kaba la buh beit buh ryntih da u Blei ia ki jingdon jingem ha ka mariang da kaba pom pathar ia ki dieng ki siej ka jingkhlong ia ka khyndew ka shyiap khlem da pyrkhat kaei kaban sa jia hadien.
U Bah NL Mawnai uwei na ki nonghikai ka Tirot sing college haba ai jingkren ha kane ka sngi ula ong,ka United Nation ha ka 1992 ka la buh ia ka 5 tarik u jylliew kum ka sngi ban rakhe ia ka world environment day kum shi bynta ban pynsngewthuh sha ki paidbah ka pyrthei ia ka jingkordor ka mariang.Kumba ka long mynta 23% ki khlaw ki don ha ka ri India 59% ha North East bad 43% ha ka Meghalaya hynrei kat dang mih ki sngi ka jingpom pathar ia ki khlaw da ki briew khlem da thung bujli da kiwei pat ka pynlong ia ki khlaw sngi ki dang stang bad syllen ki kat dang mih ki sngi.
Ha kane ka sngi rakhe ia ka World Environment la wan ia shim bynta da ki dkhot ka KLFOA,u President ka HNYF Western Region u Bah KS Rani,ki seng Longkmie ka Mairangbah ki sordar jong ki shnong ba marjan,ki trai khlaw ki trai karkhana ot dieng,ki nonghikai,ki khynnah skul jong ka Mairangbah LP School bad Domkor RC UP School.
Kum shibynta bynta ban pynneh pynsah ia ka jingkhuid ha ka sawdong sawkun ka mariang la sam ia ki hynriew phew tylli ki tin ñiut sha ki lai tylli ki shnong ka Pyndeng umiong ka Mairang Mission bad Mairangbah.(SP News)
